Sursat partlaması nəticəsində ANAMA əməkdaşı həlak olub
İyunun 21-də Cəbrayıl rayonu ərazisində icra edilən minatəmizləmə prosesi zamanı baş verən partlayış nəticəsində Azərbaycan Minatəmizləmə Agentliyinin əməkdaşı 1980-ci il təvəllüdlü İsayev Raqif Deputat oğlu həyatını itirib. Bu barədə DİN-in, Baş Prokurorluğun və ANAMA-nın birgə məlumatında deyilir.
Hadisə zamanı daha bir neçə nəfər müxtəlif dərəcəli bədən xəsarətləri alıb, onlar rayon xəstəxanasına təxliyə edilib. Vəziyyətləri qənaətbəxşdir. Xəsarət alanların sayı açıqlanmır.
Faktla bağlı Cəbrayıl Rayon Prokurorluğunda araşdırma aparılır.
Bir gün əvvəl Cəbrayıl rayonunun Xorovlu kəndində yük maşını minaya düşüb, maşının sürücüsü 33 yaşlı Raqib Nuriyev müxtəlif dərəcəli bədən xəsarətləri alıb.
Sonuncu məlumatlara görə, 2020-ci ilin noyabrından etibarən azad olunmuş ərazilərdə mina partlaması nəticəsində 363 nəfər xəsarət alıb, onların 69 nəfəri ölüb.
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz