Naxçıvan yol polislərinin təhdid və özbaşınalığı Şərur rayon sakini, 1977-ci ildə anadan olmuş Namizəd Seyidovu intihara vadar edib. N.Seyidov Turan-in bölgə müxbirinə artıq bir neçə müddətdir ki, Naxçıvan yol polislərindən şikayət edib.
O, heç bir yerdə iş tapmadığından şəxsi avtomobili ilə Şərur rayon daxilində yük daşımaqla ailəsini dolandırır. Neçə vaxtdır ki, yol polisləri müxtəlif bəhanələrlə qazancını əlindən alırlar. Son dəfə iyunun 28-də yol polisi əməkdaşları N.Seyidovu maşından zorla düşürərək qollarını burub döyüblər. O, bu təhqir və işgəncələrdən canımı qurtarmaq üçün polislərin yanında bıçaqla özünə xəsarət yetirib. Polis əməkdaşları sürücünü qan içində buraxıb qaçıblar.
N. Seyidovu Şərur rayon xəstəxanasına ətrafdakı adamlar çatdırıblar. Hadisədən sonra xəstəxanaya gələn polislərə şikayət etsə də izahatı alınmayıb. Xəstəxanada ilk tibbi yardımdan sonra N.Seyidov Naxçıvan şəhər Diaqnostika Mərkəzinə göndərilib. Mərkəzdə müayinədən sonra məlum olub ki, qarın nahiyəsinə daxil olan iki bıçaq zərbəsi əzələlərini zədələyib.
N.Seyidov bildirib ki, hadisədən sonra ona naməlum zənglər daxil olur və şikayət etməməsi ilə bağlı xəbərdarlıq edirlər. Amma zərərçəkən bu barədə Naxçıvan prokurorluğuna, insan haqlarını müdafiə qurumlarına şikayət edəcəyini söyləyib. Bunlar nəticə verməsə, ölüm aclığına başlayacağını bildirib.
Naxçıvan Yol Polisi İdarəsindən isə hadisə haqda məlumatsız olduqlarını bildiriblər. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz