Sürücülər yol polisinin özbaşınalığına etiraz edirlər
Bakı/11.12.17/Turan: Sifarişlə sərnişin daşıma ilə məşğul olan 50-dən çox sahibkar və sürücü dekabrın 11-də etiraz aksiyası keçirib. Aksiya iştirakçılarının sözlərinə görə, son vaxtlar Bakı Şəhər Yol Polisi İdarəsinin əməkdaşları səbəb olmadan sürücülərin fəaliyyətinə maneçilik törədirlər. "Gah şüşələrin tünd rəngdə olmasını, gah sərnişinlər üçün oturacaq yerlərinin sayının düz göstərilməməsini bəhanə edərək maşınları saxlayırlar, sənədləri alırlar. Bakı Şəhər Yol Polisi İdarəsində 14 saylı otağa göndərirlər. Həmin otaqda 150 manat ödəniş etdirirlər, əvəzində hər hansı protokol və ya sənəd vermirlər. Elə bil ki, 3-4 yol polisi əməkdaşı bu məsələ üçün ayrılıb. Onlar həmin otaqda olub-olmadığımız ilə maraqlanırlar. Cavab müsbət olsa buraxırlar, müsbət olmasa saxlayır, avtomobilin sənədlərini alır, 150 manat pul ödətdirirlər, sonra sənədləri qaytarırlar. Ancaq hər hansı bir sənəd vermirlər ki, bütün bunların baş verməsinin səbəblərini bilək", - sürücülərdən biri bildirib.
Onun sözlərinə görə, son 2-3 gündə 10-a yaxın sürücüdən bu şəkildə pul alınıb, amma sənəd verilməyib, ya da maşını cərimə meydançasına aparılıb.
Sürücülər bu özbaşınalığa son qoyulması üçün Bakı Şəhər Yol Polisi İdarəsinin qarşısına toplaşıblar. Saat 15:00-da rəhbərliklə görüşəcəklər.
Deyilənlərlə bağlı Bakı Şəhər Yol Polisi İdarəsindən şərh almaq mümkün olmayıb.--0--
-
- Maliyyə
- 11 Dekabr 2017 14:38
Cəmiyyət
-
Mayın 22-də Bakıda və Abşeron yarımadasında hava əsasən yağıntısız keçəcək. Lakin axşam bəzi yerlərdə qısamüddətli yağış yağacaq. Şimal-şərq küləyi əsəcək. Havanın temperaturu gecə müsbət 12+16, gündüz müsbət 20+25 dərəcə olacaq. Bu barədə Milli Hidrometeorologiya Xidməti bildirib.
-
Tərtər rayonunda çoban minaya düşərək həlak olub.
-
Mayın 20-də polis 46 kiloqram qanunsuz narkotik maddəni dövriyyədən çıxarıb.
-
Ölkənin ən böyük özəl telekommunikasiya şirkəti Bakcell, Heydər Əliyev adına Müasir Təhsil Kompleksinin (MTK) şagirdləri ilə dinamik panel müzakirəsi keçirib. "Təhsildə innovasiya və süni intellektin rolu" adlı paneldə Bakcell-in Baş İcraçı Direktoru Klaus Müller, MTK-nın Baş İcraçı Direktoru Aygün Mikayılova və məktəbin şagirdləri iştirak edib. Tədbirin mövzusuna uyğun olaraq, müasir təhsildə innovasiya və yüksək texnologiyaların rolu barədə maraqlı mövzular haqqında danışılıb.
Rəy yaz