Açiq mənbələrdən foto.
Bakı/22.08.22/Turan: "Şuşa İnsan Hüquqları Təşəbbüsü" layihəsinin icrasına başlanılıb. Layihə “Bakı insan hüquqları klubu” İctimai Birliyi tərəfindən həyata keçirilir.
Layihənin əsas ideyası indiki mərhələdə Azərbaycandan, növbəti mərhələdə isə həm də xarici ölkələrdən olan gənclər üçün davamlı hüquqi maarifləndirmə fəaliyyətini həyata keçirəcək qeyri-siyasi platformanın yaradılmasından ibarətdir. "Şuşa İnsan Hüquqları Təşəbbüsü" çərçivəsində əcnəbi ekspertlərin tədris edəcəyi yay məktəbi formatında təlimlər seriyasının və beynəlxalq konfransın təşkili nəzərdə tutulur.
Təlimlərdə iştirak edəcək şəxslər təqdim etdikləri məlumatlar və motivasiya materialları əsasında seçiləcək.
Sentyabrın 19-dan 24-dək keçiriləcək təlimlərdə 12 gəncin iştirakı nəzərdə tutulur. Təlimlərin 3 günü Şuşada, digər günlər Bakıda keçiriləcək. Təlimlər zamanı interaktiv metodlar tətbiq edilməklə iştirakçılara insan hüquqları və sülh mövzuları üzrə ilkin baza məlumatları ötürüləcək və müzakirələr təşkil ediləcək.
Sentyabrın 23-də Bakıda keçiriləcək beynəlxalq konfransın mövzusu itkin düşmüş şəxslərlə bağlı olacaq.
Layihə çərçivəsində görüləcək işlər və hazırlanacaq vizual materiallarla aşağıdakı sosial şəbəkələrdə tanış ola bilərsiniz:
Facebook: https://bit.ly/3dLaL98
Instagram: https://bit.ly/3PEvxnW
Twitter: https://bit.ly/3wgzng3
Layihə Qeyri-Hökumət Təşkilatlarına Dövlət Dəstəyi Agentliyinin maliyyə dəstəyilə həyata keçirilir. 06B
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz