Тале Багирзаде
Bakı/13.02.18/Turan: "Müsəlman Birliyi" Hərəkatının lideri, 20 il həbs cəzasına məhkum edilmiş Taleh Bağırzadənin həbs müddəti daha beş ay uzadılıb. Bu hökmü bu gün Qaradağ Rayon Məhkəməsinin hakimi Rufan Mürsəlov çıxarıb.
Bu dəfə T.Bağırzadə CM-in 317-2.1-ci maddəsi (cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi) ilə təqsirli bilinib.
Hökmə görə, yeni həbs müddəti 20 illik həbs cəzasına əlavə edilir. Hazırda T.Bağırzadənin 17 il, 9 ay, 13 gün həbs müddəti qalır. Son olaraq ona 18 il azadlıqdan mərhumetmə cəzası verilib.
T.Bağırzadəyə qarşı yeni ittiham 2017-ci ilin sonlarında irəli sürülüb. İstintaqın məlumatına görə, 2017-ci il iyulun 31-də Qobustan həbsxanaslında ondan 7 ədəd "micro SD" kart aşkar edilib. Ancaq ekspertiza bu kartlarda qanunla qadağan edilmiş informasiyanın olub-olmadığını müəyyən etməyib. Belə ki, kartlarda Quran və başqa informasiya yazılıb. Vəkil Fariz Namazlı bildirib ki, hökmdən şikayət veriləcək.
Xatırladaq ki, T.Bağırzadə 2015-ci il noyabrın 26-da Nardaranda keçirilən xüsusi əməliyyat zamanı həbs edilib.-06D-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz