![Тале Багирзаде](https://turan.az/resized/750/500/resize/media/2019/main/021400016783.jpg)
Тале Багирзаде
Taleh Bağırzadənin həyat yoldaşı onun 14 gündür aclıq etdiyini bildirir
Bakı/14.02.19/Turan: "Müsəlman Birliyi" Hərəkatının lideri Taleh Bağırzadə 14-cü gündür ki, Qobustan həbsxanasında aclıq edir. Bu barədə Turan-a onun həyat yoldaşı Leyla İsmayılzadə bildirib. O, ötən gün T.Bağırzadə ilə qısa müddətə görüşüb. Onun sözlərinə görə, bu, adi görüş olmayıb və rəisin kabinetində keçib.
"15 gün idi heç bir xəbər ala bilmirdik. Rəis bizi qəbul elədi və təbii ki, təzyiqlərlə bağlı deyilənləri inkar etdi. Soruşduq ki, axı bu adam niyə evə zəng eləməməlidir? O bilir ki, anası ağır xəstədir, bu günlərdə əməliyyat olunub. Belə bir vəziyyətdə yaxınlarını niyə narahat etsin? Dedi ki, guya, özü telefon zənglərindən imtina edib. Az sonra Taleh Bağırovun özünü gətirdilər. O isə elə rəisin yanında bildirdi ki, yalandır, ona telefonla danışmağa imkan verilmir. Hətta belə bir cümlə işlətdi ki, "mən 1-2 dəqiqə də olsa, ailəmlə danışmaq istəyərəm, siz imkan vermirsiniz. Dedi ki, "qollarımın qanqren həddinə çatdırılması da sizlik deyilsə, bəs kimlikdir?"
Vəkillə görüşə isə özü çıxmadığını təsdiqləyib. Bildirdi ki, daha bir vəkilin bir bəhanə ilə fəaliyyətinin dayandırılmasını istəmir, ona görə görüşə çıxmayıb.
Sonra T.Bağırzadə deyib ki, ona və Nardaran hadisələrinə görə mühakimə olunan Cabbar Cabbarova təzyiqlərə etiraz olaraq aclığı davam etdirəcək.
Həyat yoldaşının sözlərinə görə, T. Bağırzadə ilə görüş beş dəqiqə çəkib. Bundan sonra T.Bağırzadə etiraz olaraq otağı tərk edib.
Qeyd edək ki, Penitensiar Xidmət Y.Bağırzadənin və digər hər hansı məhbusun aclıq etdiyini inkar edir.
T.Bağırzadə 2015-cı ilin noyabrında Nardaranda xüsusi əməliyyatlar zamanı həbs olunub, terrorizm və digər ağır cinayətlərdə ittiham olunaraq 20 il azadlıqdan məhrum edilib. Yerli hüquq müdafiəçiləri onu siyasi məhbus kimi tanıyıblar.-06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz