Bu gün Sabunçu Rayon Məhkəməsində hakim Samir Əliyevin sədrliyi ilə ilahiyyatçı Tale Bağırzadənin məhkəmə prosesi başlayıb.
Taleh Bağırzadə martın 31-də saxlanılıb, iki gün sonra Sabunçu məhkəməsi onun barəsində Cinayət Məcəlləsinin 234.1-ci (narkotik maddə əldə etmə və saxlama) maddəsi ilə həbs qətimkan tədbiri seçib.
T.Bağırzadə ittihamı qəbul etmir və həbsinin əsl səbəbinin martın 24-də xütbəsində hakimiyyətin ünvanına səsləndirdiyi kəskin tənqidin olduğunu bildirib. O, vicdan məhbusu kimi tanınıb.
Vəkil Anar Qasımov Turan-a bildirib ki, müdafiə tərəfi məhkəmə qarşısında T.Bağırzadənin məhkəmə zalındakı dəmir barmaqlılar arasından çıxarılması, jurnalistlərin məhkəmə prosesinə buraxılması, məhkəmənin daha geniş zalda keçirilməsi ilə bağlı vəsatətlər verib, adi texniki problemləri həll edə bilməməsinə görə hakimə etiraz edib. Vəkillərin vəsatəti və etirazları qəbul edilməyib.
Vəkilin sözlərinə görə, hazırda T. Bağırzadə məhkəmə qərarı olmadan həbsdə saxlanılır. “Oktyabrın 14-də məhkəmə hazırlıq iclasında Bağırzadənin həbsdə saxlanması barədə qərar qəbul etməyib. Beləliklə o, oktyabrın 14-dən qanunsuz olaraq həbsdə saxlanılır”, - A.Qasımov bildirib.
Məhkəmənin qarşısına T.Bağırzadənin çoxsaylı tərəfdarları toplaşıb və onların əksəriyyəti məhkəmə zalına buraxılmayıb. Buna etiraz edən ondan çox adam polis tərəfindən saxlanıb.
Məhkəmə oktyabrın 31-də saat 12:00-da davam etdiriləcək. -03B-
Cəmiyyət
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
Rəy yaz