Photo TURAN.
Bakı/29.07.21/Turan: Bu gün, iyulun 29-da lisenziyası ləğv edilmiş Təfəkkür Universitetinin bir qrup məzunu Təhsil Nazirliyinin qarşısında etiraz ediblər. Etirazçılar təhsil aldıqları müəssisədən artıq iki ildir ki, diplomlarını ala bilmədiklərini bildiriblər. Onlar universitetdə təhsillərini 2020-ci ildə başa vurublar.
Məzunlar deyiblər ki, illik 1900 manat təhsil haqqı ödəsələr də, diplom ala bilmirlər.
“Təhsil aldıqları universitet onları “Odlar Yurdu Universiteti”nə yönləndirsə də, həmin universitetdə tələbələrə yenidən 4 il təhsil haqqı ödəməklə burada təhsil ala biləcəklərini deyiblər. Məzunlar isə buna etiraz olaraq yenidən 4 il təhsil almağa nə zamanlarının, nə də maddi durumlarının olmadıqlarını bildirirlər.
Etirazçılar nazirlikdən heç bir müsbət cavab almadıqlarını, hər dəfə aldadıldıqlarını deyirlər.
Təhsil Nazirliyi etirazçıları qəbul etməyib, polis isə onları ərazidən uzaqlaşdırıb.
Elm və Təhsil Mərkəzi Təfəkkür Universiteti 2017-ci il oktyabrın 11-də Təhsil Nazirliyinə müraciət edərək, universitetin Təsisçilər Şurasının maliyyə vəziyyətində yaranmış problemlərlə əlaqədar fəaliyyətinin dayandırılması barədə qərar qəbul edildiyini bildirib.
Universitetin 5 illik akkreditasiya müddətinin 2016-cı ildə bitdiyini nəzərə alaraq, Təhsil Nazirliyi “Təfəkkür” Universitetini növbəti akkreditasiyadan keçirməyib və tələbə kontingentinin digər ali təhsil müəssisələrinə yerləşdirilməsini təşkil etmək məqsədilə işçi qrupu yaradıb. -0-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz