Təhlükəsizlik və müdafiə sektoru: 2 ayda 12 itki, 17 xəsarət

“Doktrina” Jurnalistlərin Hərbi Araşdırmalar Mərkəzi (JHAM) 2014-cü ilin ilk iki ayı ərzində təhlükəsizlik və müdafiə sektorundakı itkilərlə bağlı statistikanı açıqlayıb. Statistika KİV üzərindəki montorinqlərə istinadən tərtib edilib.
2014-cü ilin 2 ayı ərzində adı çəkilən sektorda itkilər 12 nəfər təşkil edib, daha 17 nəfər isə müxtəlif xəsarətlər alıb.
12 itkidən 4-ü döyüş, qalan 8 itki isə qeyri-döyüş  itksidir. Bu 8 itkidən 4-ü intihar,  2-i xəstəlik, 2-i isə avtoqəza nəticəsində baş verib. Dünyasını dəyişənlər Müdafiə (11 nəfər) və Ədliyyə (1 nəfər) nazirliklərinin hərbi qulluqçularıdır.
Müxtəlif xəsarətlər alan 17 nəfərə gəlincə, 7-i qeyri-nizamnamə halları (o cümlədən ehtiyatsızlıqdan), 5- avtoqəza,  2-i intihara cəhdlə, 2-i erməni gülləsilə, 1-i mina partlayışı ilə bağlıdır. Xəsarət alan şəxslərdən 14-ü Müdafiə Nazirliyinin hərbi qulluqçusu, 2 nəfər Dövlət Sərhəd Xidmətinin, 1 nəfərsə Ədliyyə Nazirliyi Penitensiar xidmətinin mühafizə alayının hərbi qulluqçusudur.
Adı çəkilən dövrdə Azərbaycanın bir mülki vətəndaş erməni tərəfindən atılan güllə ilə yaralanıb, Ermənistan vətəndaş olan bir nəfər mülki şəxs Azərbaycana əsir düşüb.-05D-