Şənbə günü Azərbaycan Dillər Universitetinin nəzdindəki Amerika Təhsil Mərkəzində Amerika Günləri festivalı çərçivəsində Azərbaycanın “Zirvə” və “Çövkan” bədii özfəaliyyət kollektivlərinin konserti olub və gənc istedadların əsərlərindən ibarət sərgi açılıb.
ABŞ səfiri Robert Sekuta qeyd edib ki, festivalda məqsəd hər iki ölkənin zəngin olduğu mədəni müxtəlifliyin, Azərbaycan və ABŞ-a xas olan tolerantlıq və müxtəlif mədəniyyətlərin qavranılmasını nümayiş etdirməkdir.
Azərbaycan Dillər Universitetinin rektoru Bünyamin Yunusov deyib ki, multikulturalizm ənənələrinin güclü olduğu Azərbaycanda Amerika Günlərinin keçirilməsi sülh, dost və qarşılıqılı anlaşmanın inkişafna öz töhfəsini verəcək.
Amerika Günləri cümə günü M.Maqomayev adına Dövlət Filarmoniyasında Azərbaycan Dövlət Simfonik Orkestrinin ifasında Corc Gerşvin və Leonard Bernstaynın əsərləri ilə açılıb.
Azərbaycan mədəniyyət və turizm nazirinin müavini Sevda Məmmədəliyeva qeyd edib ki, Azərbaycanda Amerika Günləri, şübhəsiz ki, Azərbaycanla ABŞ arasında əməkdaşlığa öz töhfəsini verəcək.
Festival mayın 21-dək davam edəcək. Tədbirin təşkilatçıları tanınmış ifaçıların və qrupların konsertlərini, müasir rəqs kollektivlərinin çıxışlarını, film nümayişlərini, əyləncəli uşaq proqramlarını, Amerika mətbəxinin nümayişini, sərgi təşkilini nəzərdə tutublar.
Azərbaycan Dövlət Musiqili Teatrının 60-dan çox ifaçısı, rəqqas və musiqiçisi Broadway Bound qrupu ilə birlikdə mayın 14-15-də böyük konsert proqramı ilə çıxış edəcək.
Festivalın təşkilatçıları ABŞ səfirliyi, Mədəniyyət və Turizm Nazirliyi və Azərbaycandan olan digər tərəfdaşlardır.
Festival Bakıdan başqa Gəncə, Mingəçevir, Lənkəran, Quba, Sumqayıt və Şəmkirdə keçiriləcək.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz