Təhsil nazirinin müavini etiraz edən tələbələrlə görüş keçirir (Yenilənib /Foto - video)

Bakı/30.05.17/Turan: Təhsil nazirinin müavini Ceyhun Bayramov Azərbaycan Dövlət Dillər Universitetinin etiraz edən tələbələrilə görüşə gəlib.

O, universitetin akt zalında tələbələrlə görüş keçirir.0-

* * *

2017 May 30 (Çərşənbə axşamı) 13:45:54

Dillər Universitetinin tələbələri dövlət imtahanının əleyhinədir

Bakı/30.05.17/Turan: Bu gün Azərbaycan Dövlət Dillər Universitetinin tələbələri ali məktəbin binasının qarşısında etiraz aksiyası keçiriblər. Onlar dövlət imtahanının tətbiqindən narazıdır.

Tələbələr deyirlər ki, ali məktəbə daxil olarkən onlara bildirilib ki, dövlət imtahanı olmayacaq. Onlar həmçinin dövlət imtahanının 9 fənn üzrə keçiriləcəyindən narazıdır.

Tələbələr tələb edirlər ki, yenilik bu ilin məzunlarına şamil olunmasın. Etiraz edənlər universitetin rektorundan başqa digər şəxslə danışmaqdan imtina edirlər.

Ali məktəbin İnformasiya Departamentində isə "Bakalavriat pilləsində təhsil qaydaları haqqında" Nazirlər Kabinetinin qərarına əsaslanıblar.

Tələbələr dağılışmır, rektoru gözləyirlər.

Təhsil Nazirliyi hələlik baş verənləri şərh etmir.-06D--