“Qafqaz” Universitetinin təsisçisinin 16 yanvar tarixli qərarı ilə bu ali məktəbin ləğvi prosesi başlayıb və ləğvetmə komissiyası yaradılıb. Bu barədə Təhsil Nazirliyi məlumat yayıb.
Universitet rəhbərliyi nazirlikdən qış imtahan sessiyasının başa çatmasından sonra tələbələrin digər ali təhsil müəssisələrinə köçürülməsinə köməklik göstərilməsini xahiş edib.
Bu məqsədlə Təhsil Nazirliyi univesitetin tələbə kontingentinin digər ali təhsil müəssisələrinə yerləşdirilməsini təşkil etmək məqsədilə İşçi qrupunun yaradılması barədə qərar qəbul edib, deyə məlumatda bildirilir. -06D-
* * *
2017 Yanvar 18 (Çərşənbə) 12:21:15
“Qafqaz” Universiteti ətrafında vəziyyət qaranlıq olaraq qalır. Bu ali məktəbin mətbuat xidmətindən Turan-a bildiriblər ki, Müşahidə və Təsisçilər Şurası 2017-ci il yanvarın 17-də universitetin ləğvi haqqında qərar veriblər. Bu zaman ali məktəb nümayəndəsi bunun səbəbini izah edə bilməyib.
Ali məktəbin tələbələrinin və müəllimlərinin gələcək taleyi naməlum olaraq qalır. Müşahidə və Təsisçilər Şurası yaxın günlərdə iclas keçirəcək və qərar qəbul edəcək.
Mətbuat xidmətindən bildiriblər ki, tələbələr təhsili davam etdirəcək və təhsil prosesi pozulmayacaq.
“Qafqaz” Universitetinin problemləri 2016-cı ilin yayında Türkiyədə dövlət çevrilişi cəhdinin uğursuzluğundan sonra başlayıb.
Ankara Bakıdan Türkiyə hökumətinin qiyamın təşkilatçısı elan etdiyi Fətullah Gülənin “Hizmet” hərəkatı ilə əlaqəsi olan bütün qurumları bağlamağı tələb edib.
Bundan sonra “Hizmet” hərəkatı tərəfindən yaradılmış “Qafqaz” universiteti məcburi olaraq SOCAR nəzdində Bakı Neft Məktəbinin tərkibinə keçirilib. Eyni zamanda Türkiyədən olan müəllimlər qovulub, rəhbərliyə yerli kadrlar təyin olunub. -05D06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz