Bakı/24.01.18/Turan: Bayıl yamacında, "Teleqüllə"nin yaxınlığındakı torpaq sürüşməsi zonasında prosesi nəzarətdə saxlamaq üçün yanvarın 24-də Səbail Rayon İcra Hakimiyyətində (RİH) qərargah yaradılıb.
Bu barədə rayon administrasiyasının məlumatında deyilir.
Bu zonada sürüşmələr yeni hal deyil. Bu, çoxdanki problemdir.
Müntəzəm olaraq sürüşmə zonasında aktivlik nəzərə çarpır, buna yağıntıların çox olması da təsir edir.
Bundan başqa, qanunsuz tikinti və kommunikasiya xətlərinin nasazlığı da sürüşməyə təkan verir.
"Məsələnin ciddiliyi və vətəndaşların təhlükəsizliyi nəzərə alınaraq Səbail Rayon İcra Hakimiyyətində xüsusi qərargah yaradılıb", deyə məlumatda bildirilir.
Sürüşmənin əhatə dairəsi, bu ərazidə mövcud tikililərin ünvanları və yaşayan vətəndaşların sayı müəyyən edilib. "Sakinlərin təhlükəsizliyinin təmini məqsədilə xüsusi təxliyə və yerləşdirmə planları hazırlanıb, tələbat yaranarsa vətəndaşların müvəqqəti yerləşdiriləcəyi yerlər müəyyənləşdirilib", deyə press-relizdə qeyd edilir.
Eyni zamanda bildirilir ki, "hazırda narahatçılıq üçün əsas yoxdur, ərazidəki vəziyyət müvafiq qurumların nəzarətində saxlanılır".
Ərazidə gedən proseslər Nazirlər Kabinetinin də diqqət mərkəzindədir, deyə məlumatda vurğulanır. -06D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz