![Tikintiyə qanunsuz icazələrin verilməsi ilə bağlı cinayət işləri qaldırılıb](https://turan.az/resized/media/2018/main/081300012434-750-500-resize.webp)
Tikintiyə qanunsuz icazələrin verilməsi ilə bağlı cinayət işləri qaldırılıb
Bakı/13.08.18/Turan: Dövlət Şəhərsalma və Arxitektura Komitəsi şəhərsalma nəzarəti qaydasında Bakı şəhərinin Xətai, Binəqədi, Nəsimi və Nizami rayonlarında aparılan araşdırmalar zamanı qanunsuzluqlar müəyyən edib. Bu barədə Baş Prokurorluğun və komitənin birgə yaydıqları məlumatda deyilir.
Tikinti zamanı tikintiyə icazələrin alınmaması, səlahiyyətləri olmadığı halda tikintiyə icazəni rayon icra hakimiyyətlərinin verməsi kimi cinayətlər ortaya çıxıb. "Qeyd olunan faktlar üzrə baş prokuror yanında Korrupsiyaya Qarşı Mübarizə Baş İdarəsində Cinayət Məcəlləsinin 308.1 (vəzifə səlahiyyətlərindən sui-istifadə), 314-2.1 (qanunla müəyyən olunmuş qaydaları pozmaqla torpaq sahələri ayırma, yaxud tikinti və ya quraşdırma işlərinin aparılmasına icazə vermə) və 188.2-ci (torpaq üzərində mülkiyyət, istifadə və ya icarə hüququnu pozma) maddələri ilə cinayət işi başlanaraq istintaq aparılır", məlumatda deyilir.
Məlumatda vurğulanır ki, cinayət işi üzrə qeyd olunan qanunsuz halların tam araşdırılması üçün zəruri istintaq-əməliyyatl tədbirləri davam edir.-05D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz