Tofig Yagublu
Bakı/18.01.13/Turan: İnzibati həbs cəzası çəkən müxalif siyasətçi Tofiq Yaqublu 14 gündür aclığı davam etdirir.
Bu gün 6 saylı xəstəxanada qızı Nigar Həzi və həkim Aqil Qeybulla ona baş çəkiblər.
"Biz orqanizmdə elektrolitləri bərpa etmək üçün Tofiq Yaqubluya infuziya verdik. Maye çatışmazlığı ilə əlaqədar su balansı pozulub. O, halsızdır, ayağa dura bilmir", deyə həkim Turan agentliyinə bildirib.
Öz növbəsində, siyasətçinin qızı Yaqublunun aclığa başladığı gündən etibarən 13 kq arıqladığını və hazırda 81 kq olduğunu bildirib.
Onun sözlərinə görə, atasının vəziyyəti gündən-günə pisləşir, amma o, təslim olmur və azad edilməsi tələbi ilə aclığı davam etdirir.
Tofiq Yaqunlunun həyat yoldaşı Maya Yaqublu da 12 gündür onunla həmrəylik əlaməti olaraq aclıq edir.
Yanvarın 18-nə olan məlumata görə, Yaqublu ilə həmrəylik məqsədilə aclıq aksiyasında Bakıda 8 nəfər, Ağdaş rayonunda daha iki nəfər iştirak edir. Bu aksiyaların iştirakçıları təkcə Yaqublunun deyil, həm də ictimai fəal Bəxtiyar Hacıyevin və digər siyasi məhbusların azad edilməsini tələb edirlər. B06
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz