Elçin Sadıqov. Açiq mənbələrdən foto.
Bakı/14.09.20/Turan: Tofiq Yaqublu ötən şənbə günü İstintaq Təcridxanasından “City Hospital”a köçürüldükdən sonra bazar ertəsi vəkil Elçin Sadıqov onun yanına buraxılıb.
Onun sözlərinə görə, Yaqublu 13 gündür aclıq edir və hələ də reanimasiyadadır.
“T.Yaqublunun səhhəti yaxşı deyil. Uzanmışdı, çox halsız idi. Müalicə aparılmır, sadəcə su vururlar. Aclıq aksiyası keçirdiyi üçün qidalandrıcı preparatlara özü icazə vermir. Proses professor Adil Qeybullanın nəzarəti altındadır”, deyən Sadıqov əlavə edib ki, Yaqublu azad edilməsi tələbi yerinə yetirilənə qədər aclığı davam etdirəcək.
Yaqublu məcburi qidalandırıla bilər?
Bu suala cavabda vəkil deyib ki, aclıq edən şəxsin huşu yerindədirsə onu məcburi qidalandırmaq olmaz. “Amma huşunu ititirəsə, o zaman “Həbsdə saxlanılan şəxslərin hüquq və azadlıqları haqqında” qanunun 42-ci maddəsinə əsasən məcburi qidalandırıla bilər”.
Vəkil qeyd edib ki, hələ sentyabrın 7-də apellyasiya şikayəti verilməsinə baxmayaraq, indiyədək şikayət Nizami rayon məhkəməsindən Bakı Apellyasiya Məhkəməsinə göndərilməyib. Bu gün vəkil bir daha Nizami rayon məhkəməsi ilə əlaqə salayıb, amma vəziyyət dəyişməyib.
Yaqublunun səhhətini nəzərə alaraq, müdafiə tərəfi şikayətin məhkəməyə tez göndərilməsini istəyir.
Siyasətçinin qızı Nigar Həzi də atası ilə görüşmək istəyir, amma onu Yaqublunun yanına buraxmırlar. Bununla əlaqədar o, ombudsmana müraciət edib. -06D-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz