![Tofiq Yaqublu quru sərhədlərinin açılması tələbilə aksiyaya təşəbbüs edir](https://turan.az/resized/media/2022/main/070700047985-750-500-resize.webp)
Tofiq Yaqublu quru sərhədlərinin açılması tələbilə aksiyaya təşəbbüs edir
Bakı/07.07.22/Turan: Mili Şura və Müsavat Partiyasının fəalı Tofiq Yaqublu iyulun 13-də Nazirlər Kabinetinin binası qarşısında “Ölkənin quru sərhədlərini açın!” tələbilə etiraz aksiyasının keçirilməsinə çağırıb.
O, Turan agentliyinə bildirib ki, Bakı Şəhər İcra Hakimiyyətinə xəbərdarlıq məktubu göndərib.
“Ölkənin quru sərhədləri məntiqsiz və absurd olaraq bağlı saxlanılır. Hökumət bunun səbəblərilə bağlı cəmiyyətə izahat vermir. Pandemiya ilə əlaqədar bütün qadağalar, məhdudiyyətlər ləğv edilibsə, adamlar təyyarələrlə gedib-gəlirsə, quru sərhədləri də açılmalıdır”, - o deyib. Adamlar baha qiymətə bilet almağa məcbur olur ki, bunu da hər kəs özünə rəva görə bilmir, Yaqublu əlavə edib.
O, meriyanın razılığından asılı olmayaraq aksiyanı keçirmək niyyətindədir. 03-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz