![Açiq mənbələrdən foto.](https://turan.az/resized/media/2021/main/082400037394-750-500-resize.webp)
Açiq mənbələrdən foto.
"Toplan" əməkdaşları heyvansevər fəalların həbsini tələb edir
Bakı/24.08.21/Turan: "Toplan" Sahibsiz İtlərə Qayğı Mərkəzinin əməkdaşları 4 fəalı (Aynur Babayeva, Nicat İsmayıl, Elxan Mirzəyev, İlhamə Nəsirova) məhkəməyə verib. İddiaçılar fəalları böhtan və təhqirlərə görə cinayət məsuliyyətinə cəlb etməyi – ya 100 min manat (58 min dollar) cərimələməyi, ya da həbs etməyi tələb edirlər.
İddiaçılar fəalların sosial şəbəkələrdəki statuslarında, yazdıqları şərhlərdə onların işgüzar nüfuzuna xələl gətirib, təhqir məzmunlu ifadələrdən istifadə etdiyini bildirir, - deyə İsmayılov qeyd edib.
Ancaq aktivistlər öz yazılarında heç kəsi təhqir etməyib, “Toplan” işçilərinin sahibsiz itlərə qarşı qəddar rəftarını pisləyiblər. "İtlərə qarşı amansız rəftara etiraz etdik", - deyib İsmayıl. Onun sözlərinə görə, mərkəz Sovet İttifaqı dövründəki "it qutusu" təcrübəsini davam etdirir, o vaxt sahibsiz itləri tutub öldürürdülər.
Avqustun 23-də Xətai Rayon Məhkəməsində hazırlıq iclası keçirilib. “Vəkilimiz olmadığı üçün iclası təxirə salmağı xahiş etdik. Hakim iclası avqustun 30-dək təxirə salıb. Ümid edirik ki, bu absurd iddia icraata qəbul edilməyəcək ”, - deyə İsmayılov bildirib.
NIDA vətəndaş hərəkatı “Toplan” Mərkəzindən şəffaf fəaliyyət aparmağı, könüllülərə qapılarını açmağı, küçələrdə tutulan heyvanların taleyi haqqında məlumat verməyi tələb edərək fəalların müdafiəsinə qalxıb.
“Toplan” Mərkəzinin nümayəndələrindən şərh almaq mümkün olmadı. Fəallara qarşı Cinayət Məcəlləsinin 147.1 (böhtan) və 148-ci (təhqir) maddələri ilə iddia qaldırılıb. Hər iki halda onları altı aya qədər həbs cəzası verilə bilər.- 06D-
-
- Siyasət
- 24 Avqust 2021 11:59
-
- İqtisadiyyat
- 24 Avqust 2021 12:37
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz