Ukrayna prezidenti Ərəbistanından Azərbaycana gəlir, təhlükəsizlik əməkdaşlıgı diqqət mərkəzindədir

Ukrayna Prezidenti Volodymyr Zelenskyy Səudiyyə Ərəbistanına səfərindən sonra aprelin 25-də Azərbaycana gələcək. Bu barədə şənbə günü Ukrayna mediası məlumat verib, lakin səfərin detalları hələlik açıqlanmır.

Ukrayna mənbələrinə görə, Zelenski Azərbaycanın Prezidenti İlham Əliyev ilə görüşəcək. Danışıqların əsas mövzusunun müdafiə sahəsində əməkdaşlıq, xüsusilə də pilotsuz uçuş aparatlarına qarşı mübarizə və inteqrasiya olunmuş hava hücumundan müdafiə sistemlərinin yaradılması olacağı gözlənilir.

Ukraynanın Ukrainian Military News nəşri görüşün Bakıda deyil, başqa bir məkanda keçiriləcəyini bildirib. Azərbaycan tərəfi isə hələlik görüşün detalları ilə bağlı məlumat yaymayıb.

Azərbaycana səfər Səudiyyə Ərəbistanına edilən səfərdən sonra baş tutur. Zelenski  şahzadə Məhəmməd bin Salman ilə görüşüb. Ukrayna lideri təhlükəsizlik, enerji vəinfrastruktur sahələrində əməkdaşlığın müzakirə edildiyini bildirib.

“Biz təhlükəsizlik, enerji və infrastruktur sahələrində Səudiyyə Ərəbistanı ilə razılaşmaları inkişaf etdiririk”, — deyə Zelenski Telegram kanalında yazıb və səfərin ikitərəfli əməkdaşlığın gücləndirilməsi istiqamətində atılan addım olduğunu qeyd edib.

Bu, Ukrayna prezidentinin son həftələrdə Səudiyyə Ərəbistanına ikinci səfəridir. Martın 26-da keçirilən əvvəlki görüş zamanı Kiyev və Ər-Riyad müdafiə sahəsində əməkdaşlığıngenişləndirilməsi barədə razılığa gəliblər. Ukrayna həmçinin Qətər və Birləşmiş Ərəb Əmirlikləri də daxil olmaqla Körfəz ölkələri ilə əlaqələri gücləndirərək pilotsuz uçuş aparatlarının birgə istehsalı və onlara qarşı mübarizə sistemləri üzrə sazişlər imzalayıb.

Ukrayna rəsmiləri bildirirlər ki, ölkə Rusiya ilə müharibə zamanı əldə etdiyi pilotsuz aparatlara qarşı mübarizə təcrübəsini paylaşmağa hazırdır. Bu çərçivədə Kiyev Yaxın Şərq regionuna hərbi mütəxəssislər göndərib və İran istehsalı dron hücumlarına qarşı mübarizədə dəstək göstərir.

Zelenski qeyd edib ki, Səudiyyə Ərəbistanı ilə əməkdaşlıq üç əsas istiqamət üzrə inkişaf etdirilir: hava məkanının qorunması sahəsində təcrübə mübadiləsi, enerji əməkdaşlığı və ərzaq təhlükəsizliyi.

“Beynəlxalq münasibətlərin qeyri-sabit olduğu bir dövrdə belə ikitərəfli əməkdaşlıq etimadı bərpa edir”, — deyə o, Səudiyyə rəhbərliyi ilə görüşdən sonra bildirib.

Gözlənilir ki, pilotsuz sistemlərə qarşı mübarizə, o cümlədən İran texnologiyalarından qaynaqlanan təhdidlərə qarşı mümkün əməkdaşlıq məsələləri Azərbaycanla keçiriləcək danışıqlarda da əsas mövzulardan biri olacaq, baxmayaraq ki, rəsmi gündəlik hələ elan edilməyib.