İyunun 7-də günün ikinci yarısında Azərbaycan vətəndaşı, Tovuz rayonunun Yanıxlı kənd sakini, 1977-ci il təvəllüdlü Vəliyeva Zöhrə Azərbaycan tərəfdən Ermənistan sərhədini keçib. Bu barədə Ermənistanın Əsirlərin, Girovların və İtkin Düşmüşlərin işi üzrə Dövlət Komitəsinin rəhbəri Armen Kapriyelyan mətbuata bildirib.
Onun sözlərinə görə, qadın Meqrab istiqamətində sərhədi keçib. Hadisə haqqında Qırmızı Xaç Komitəsinə məlumat verilib.
Azərbaycan hakimiyyəti, o cümlədən Əsirlərin və Girovların İşləri üzrə Dövlət Komitəsi və DİN hələlik bu faktla bağlı şərh vermir.
Öz növbəsində, Yanıxlı kənd sakinləri Turan agentliyinə bildiriblər ki, bu qadını falçı kimi tanıyırlar. O, əslən Gürcüstanlıdır, daimi yaşayış yeri yoxdur və kənd-kənd gəzib fala baxır. "Bazar ertəsi o, avtobusa minib və Gədəbəyə gedib", deyə bir kənd sakini bildirib. Onun sözlərinə görə, daha çox Telli kimi tanıdıqları bu qadın qeyri-adekvat davranışı ilə fərqlənir. -0-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz