Açiq mənbələrdən foto.
Bakı/25.08.21/Turan: Puta qəsəbəsində transgenderin qətlə yetirilməsi barədə məlumatı Daxili İşlər Nazirliyində təsdiq ediblər.
Daxili İşlər Nazirliyinin mətbuat xidmətinin rəhbəri Ehsan Zahidovun jurnalistlərə verdiyi məlumata görə, qətl faktı ilə bağlı cinayət işi başlanıb.
Müəyyən edilib ki, qatil Ağdam rayon sakini, 27 yaşlı Əhəd Nuriyevdir.
Ağcabədi rayon sakini Mirşahid Mehdiyev şübhəli kimi saxlanılıb, istintaq davam edir.- 06B-
* * *
2021 Avqust 25 (Çərşənbə) 14:28:52
Putada öldürülən şəxs transgender imiş
Bakı/25.08.21/Turan: Avqustun 24-də bir qrup transgender Qaradağ Rayon Polis İdarəsi və ombudsman ofisinin qarşısında etiraz aksiyası keçirib.
Onlar adı çəkilməyən transgenderlərdən birinin Puta qəsəbəsində öldürülməsinə etiraz ediblər.
Etirazçıların bildirdiyinə görə, polisdə onlara məhkəmə- tibbi ekspertizanın nəticələri və şübhəli şəxsin saxlanılması barədə məlumat verilməyib. Onlar əmindirlər ki, qətlin səbəbi bloger Sevinc Hüseynovun təhrikedici videomüraciətidir və onun cinayət məsuliyyətinə cəlb olunmasını tələb ediblər.
Etirazçılar belə halların hər kəslə baş verə biləcəyindən ehtiyat edirlər.
Xatırladaq ki, avqustun 23-də Qaradağ rayonunun Puta qəsəbəsində yerli sakinlər əlləri və ayaqları ilə bağlı vəziyyətdə yanmış qadın cəsədi tapıblar.
Hələlik hüquq-mühafizə orqanları həmin şəxsin öldürülməsini şərh etmirlər. ––06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz