Tural Fərzili sərbəst buraxılıb/YENİLƏNİB/

Tural Fərzili sərbəst buraxılıb. Bu barədə onun özü Turana məlumat verib. Onun sözlərinə görə, polislə bağlı yazdığı son statusa görə Xətai Rayon Polis İdarəsinə aparılıb. "Orada çox mədəni davranıblar və sonra sərbəst buraxıblar".

*   *   *

2023 Oktyab 27 (Cümə) 19:57:00

İşçi Masası Konfederasiyasının İdarə Heyətinin üzvü Tural Fərzili saxlanılıb 

Bakı/27.10.23/Turan: İşçi Masası Konfederasiyasının İdarə Heyəti üzvü Tural Fərzilinin saxlanıldığı deyilir. 

Fəalın yaxınları Turana bildirib ki, oktyabrın 27-də axşam saat 18:30 radələrində o onlara mesaj yazaraq iş yerinə polis əməkdaşların gəldiyini və onlarla getdiyini deyib. 

Onların sözlərinə görə, hazırda T.Fərzili ilə əlaqə saxlamaq mümkün deyil. 

İşçi Masası Konfederasiyasının koordinatoru Afiəddin Məmmədov sentyabrın 20-də həbs olunub. Ona qarşı Cinayət Məcəlləsinin 126.1-ci (qəsdən sağlamlığa ağır zərər vurma) və 221.3-cü ( xuliqanlıq-silah qismində istifadə olunan əşyalardan istifadə etməklə törədildikdə) maddələri ilə ittiham irəli sürülüb. 

Təşkilatın daha iki üzvü Elvin Mustafayev və Ayxan İsrafilov da həbsdədir. Onlara qarşı CM-nin 234.4.3-cü maddəsi ilə cinayət işi açılıb. 

Fəalların üçü də özlərini təqsirli bilmir və həbsini fəaliyyətləri ilə əlaqələndirir.

Hüquq müdafiəçilər fəalların həbsini siyasi motivli hesab edir.

Hökümət nümayəndələri isə Azərbaycanda siyasi motivli həbslərin olmadığını bildirir.  -0-