Bakı/13.05.19/Turan: Turan Ağentliyi Sumqayıt şəhər İcra Hakimiyyətini məhkəməyə verib. Agentliyin apellyasiya şikayəti bu gün, mayın 13-də Sumqayıt Apellyasiya Məhkəməsinə göndərilib.
Məhkəmə mübahisəsi İcra Hakimiyyətinin jurnalist sorğusuna cavab verməməsi ilə bağlıdır. Agentlik 2018-ci ilin sentyabrında Sumqayıt şəhər İcra Hakimiyyətinə informasiya sorğusu göndərib. Həmin sorğuda şəhid ailəsinə məxsus mənzilin Qubadlı rayonundan köçkün düşən ailə tərəfindən zəbt edilməsi işi ilə bağlı suallara cavab istənilib. Agentlik İH-dən xahiş edib ki, sözü gedən olayla bağlı planlaşdırlan tədbirlər, verilmiş qərarlar barədə gərəkli bilgilər təqdim edilsin. Ancaq İH sorğuya ümimiyyətlə cavab verilməyib.
Turan daha öncə Sumqayıt İnzibati - İqtisad Məhkəməsi qarşısında iddia qaldırmışdı. Agentlik məhkəmədən xahiş etmişdi ki, informasiya soröusuna cavab verməyi Sumqayıt İH-in üzərinə vəzifə qoysun. Ancaq məhkəmə aprel ayında agentliyə məhkəmənin vaxtı və yeri barədə xəbər vermədən iddiaya baxıb və onu rədd edib. Sumqayıt Apellyasiya Məhkəməsinə həmin qərarın qanunsuzluğundan şikayət edilib.
Agentliyin hüququları hesab edir ki, Sumqayıt İnzibati - İqtisad Məhkəməsi iddiaya baxarkən, gərəkli tədqiqat aparmayıb, qərarı maddi və prosessual normalarının kobud pozuntusuna yol verməklə çıxarıb.
"Sumqayıt Inzibati - İqtisad Məhkəməsi işə baxarkən Azərbaycan Konstitusiyasının məlumat azadlığı ilə bağlı müddəalarına, "İnformasiya əldə edilməsi haqqında" qanunun tələblərini doğru tətbiq etməyib. Məhkəmə həmçinin iddaçıya məhkəmənin yeri və vaxtı barədə məlumat verməməklə ciddi pozuntulara yol verib. Qərar verilərkən inzibati prosessual qanunvericiliyin tələbləri də nəzərə alınmayıb. Məhkəmə Sumqayıt İH-nin prosesdə iştirak edən təmsilçisinin istədiyi qərarı dərhal qəbul edib. İH təmçsilçisi məhkəmədə yanlış olaraq, sorğuya cavab verildiyini bildirib, məhkəmə də gərəkli dəqiqləşdirmə aparmadan qərar verib", agentliyin hüquqçuları şikayətlərində öz arqumentlərini detallı qeyd ediblər.
Agentlik Sumqayıt Apellyasiya Məhkəməsindən xahiş edib ki, aşağı məhkəmənin qərarını ləgv etsin, Sumqayıt İH-in üzərinə informasiya sorğusunu cavablandırmaq vəzifəsi qoysun.-0-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz