Türk litseylərinin şagirdlərinə Əli Həsənvun məktəbi təklif edilir

11 türk litseyinin bağlanması illik təhsil haqqı 4500 manat olan “Xəzər” litseyinin açılışı ilə eyni vaxta təsadüf etdi. Qiymətcə bu yeni litsey ən bahalı məktəblərdən biridir və hakimiyyətin baş ideoloqu Əli Həsənovun ailə üzvlərinə məxsus “Xəzər” Təhsil Mərkəzinin strukturuna daxildir.

Maraqlıdır ki, Həsənovun nəzarəti altında olan mətbuat son aylar boyunca türk litseylərində “gizlənən” nurçular şəbəkəsinə qarşı kampaniya aparıb, baxmayaraq ki, bu litseylər artıq SOCAR-ın idarəetməsinə verilmişdi.

Türk litseylərini bağlayan hakimiyyət şagirdlərə alternativ olaraq “Xəzər” litseyini təklif edir.

Bir neçə il əvvəl yerli TV-də əcnəbi seriallara qarşı kampaniya başladıqda analoji sxem tətbiq edilib. Yerli serialların çəkilişi üçün Əli Həsənovun oğluna məxsus şirkət dövlət sifarişi alıb.

“Əli Həsənovun siyasiləşmiş biznes şəbəkəsi” “Azadlıq” radiosunun saytında dərc edilmiş mütəşəkkil cinayətkarlıq və korrupsiya araşdırmaları layihəsi çərçivəsində tədqiqat predmeti olub.

Maraqlıdır ki, Həsənov araşdırmada yer alan faktları təkzib etməyərək, bu şirkətlərin ailəsinə məxsus olması ilə qürur duyduğunu bəyan edib.

Qeyd edək ki, Azərbaycan qanunvericiliyi dövlət məmurlarına dövlət məmurlarının bizneslə məşğul olmasını qadağan edir. -06В-