Reportyorların Azadlıq və Təhlükəsizlik İnstitutu (RATİ) bloger Ömər Məmmədovun həbsinə etiraz olaraq yaydığı sənəddə ölkədə İnternetin azad olmadığını bəyan edir. RATİ bloger Ömər Məmmədovun bütün ittihamları birmənalı rədd etməsinə baxmayaraq, narkotik adı ilə şərlənərək 5 il müddətinə azadlıqdan məhrum olunmasına ölkədə İnternetin gələcəyinə narahatlıq doğuran məsələ kimi yanaşır.
Ö.Məmmədov 2014-cü il yanvarn 24-də həkimə gedərkən DİN əməkdaşları tərəfindən saxlanılıb. Narkotik saxlamaqda (Cinayət Məcəlləsinin 234.4.3-cü maddəsi) ittiham olunub. Prokurorlar uydurma təsiri bağışlayan sübut təqdim etdikləri üçün məhkəməni müşahidə edən RATİ araşdırmaçıları və müstəqil müşahidəçilər tərəfindən sərt tənqid olunublar.
AŞPA-nın bu il 24 iyun müraciətinə dövlət başçısı İlham Əliyev “Bizdə internet azaddır” cavabı verib. Müəlliflərə görə, internetin inkişaf potensialını tam reallaşdırmaq üçün prezident və hökumət informasiyanın internetdə cəza qorxusu olmadan axtarışı və yayımına şərait yaratmalıdır.
Azərbaycan hökuməti iqtisadi inkişafa dəstək məqsədilə internet və İKT xidmətlərini fəal şəkildə təşviq etsə də, iqtidarı tənqid edən və ya hüquq pozuntuları və korrupsiya mövzusunda yazmağa cəsarət edən blogerlər və on-line fəallar təqib və həbslə üzləşirlər. Altı bloger və on-line fəalın uydurma narkotik saxlama və xuliqanlıq maddələri ilə həbsə alınması ölkədə internet azadlığı sahəsində durumun pisləşməkdə davam etməsini göstərir.
“RATİ-də hər kəs ötən həftə Ömər Məmmədov barəsində çıxarılan ədalətsiz məhkəmə hökmündən narahatlıq keçirib”, - deyə RATİ sədri Emin Hüseyn bildirib. “Ömər haqda çıxarılan hökm Azərbaycan internetinin gələcəyi üçün son dərəcə narahatlıq doğuran əlamətdir və biz bu hökmü qəti şəkildə pisləyirik.
Müəlliflər saxta narkotik ittihamı əsasında Ö.Mməmmədova verilən 5 illik həbs cəzasını hökumətin danışmağa cəsarət edən şəxsləri həbs etməklə digərlərini qorxutmaq tendensiyasının göstəricisi sayıblar. Biz Ö.Məmmədov və digər 10 bloger və jurnalistin dərhal azad olunmasına çağırırıq”, deyə Hüseynov bildirib.
RATİ rəsmi Bakını insan haqları konvensiyasına, İnsan Haqları Bəyannaməsinə uyğun olaraq jurnalist və blogerlərin qanuni fəaliyyətini bütün hallarda heç bir maneə olmadan və cəza qorxusu keçirmədən həyata keçirilməsini təmin etməyə çağırır. -05D-
Cəmiyyət
-
Yanvarın 14-də Ermənistan və Amerika Birləşmiş Ştatları (ABŞ) arasında strateji tərəfdaşlıq haqqında xartiya imzalandı. ABŞ Dövlət katibi Antoni Blinken bu sənədlə bağlı danışarkən vurğulayıb ki, onlar Ermənistanla onun suverenliyi və ərazi bütövlüyünü qorumaq üçün səyləri gücləndirmək üzərində işləyirlər. O, strateji tərəfdaşlıq haqqında sənədin “daha dayanıqlı, dinc, təhlükəsiz və müstəqil” Cənubi Qafqazın yaradılmasına töhfə verəcəyinə əminliyini ifadə edib.
-
Məmnuniyyətlə bildiririk ki, saytın normal fəaliyyəti artıq tam şəkildə bərpa olunub.
-
Kömək üçün Turan agentliyinə müraciət edən və adının açıqlanmasını istəməyən zərərçəkən bildirib ki, 2024-cü ilin iyulunda öz evinin rekonstruksiyası üçün "DREAM CONSTRUCTİON Azerbaijan" şirkəti ilə rəsmi müqavilə bağlayıb: "Bu 58 000 manatlıq müqavilə idi. Mən “Algaplaza”da şirkətin ofisində 44 000 manat ödədim və qalan məbləği də açarları təhvil verərkən ödəmək niyyətində idim.
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
Rəy yaz