İlham Əliyevin rəsmi görüşləri

İyulun 7-də dövlət başçısı İlham Əliyev Avropa Xalq Partiyasının və Mərkəzçi Demokratlar İnternasionalının baş katibi Antonio-Lopes İsturisi qəbul edib.

Görüşdə Yeni Azərbaycan Partiyası və Avropa Xalq Partiyası və Mərkəzçi Demokratlar İnternasionalı arasında uğurlu əməkdaşlıq qeyd olunub, əlaqələrin perspektivləri haqqında fikir mübadiləsi aparılıb.

Elə bu gün Azərbaycan prezidenti NATO Dəstək agentliyinin baş meneceri Mayk Laydeni qəbul eüdib. Görüşdə Alyans və Azərbaycan arasında əməkdaşlıq məsələləri müzakirə edilib.

İyulun 7-də İlham Əliyev Gürcüstan parlamentinin sədrli David Usupaşvilinin rəhbərlik etdiyi nümayəndə heyətini qəbul edib.

Dövlət başçısı qeyd edib ki, siyasi, iqtisadi və digər sahələrdə Azərbaycan və Gürcüstan arasında əlaqələr uğurla inkişaf edir. İki ölkə parlamenti arasında əlaqələrin əhəmiyyətini qeyd edən İlham Əliyev parlamentlərarası, o cümlədən beynəlxalq təşkilatlar çərçivəsində əməkdaşlığın inkişafından məmnunluğunu ifadə edib.

David Usupaşvili qeyd edib ki, rəhbərlik etdiyi nümayəndə heyətinin Azərbaycana səfərinin məqsədi iki ölkə parlamenti arasında qarşılıqlı fəaliyyətin genişləndirilməsindən ibarətdir. Qonaq qarşılıqlı səmərəli və strateji münasibətlərin qurulmasında deputatların rolunu qeyd edib və məmnuniyyətlə bildirib ki, Gürcüstanın yeni seçilmiş parlamenti bundan sonra da Azərbaycanla uğurlu əməkdaşlığı davam etdirəcək.

Bu barədə Azərbaycan prezidentinin saytı məlumat yayıb. -02D-