Bakı/02.05.19/Turan: Bir həftə öncə İstanbulda saxlanılan dini fəal Elnur Mehdiyev Azərbaycana deportasiya edilmək üçün mayın 1-də Polis İdarəsindən Miqrasiya Xidmətinə aparılıb. Bu barədə onun yaxınları bildiriblər.
Onun vəkili Türkiyə prezidentinə müraciət edərək deportasiyaya yol verilməməsini xahiş edib.
Yaxınlarının sözlərinə görə, E.Mehdiyev Türkiyədə qanuni əsaslarla yaşayıb.
Ehtimal olunur ki, 2015-ci ilin noyabrında Nardaranda baş vermiş hadisələrlə əlaqədar E.Mehdiyevin barəsində axtarış elan edilib. O zaman polis qəsəbədə "Müsəlman Birliyi" Hərəkatının fəallarına qarşı xüsusi əməliyyat keçirmişdi.
"Müsəlman Birliyi" Hərəkatının digər fəalı Anar Cabbarov da bu il martın ortalarında Türkiyədə saxlanılıb. Martın 22-də onu Bakıya Baş Mütəşəkkil Cinayətkarlığa Qarşı Mübarizə İdarəsinə gətiriblər. O, külli miqdarda narkotik maddənin qanunsuz dövriyyəsində ittiham olunub. Lakin aprelin 6-da gözlənilmədən iş bağlanıb və A.Cabbarov azad edilib.06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz