Aprelin 18-də Xəzər dənizinin Türkmənistan sahillərində növbəti meyit tapılıb. Bu barədə Azərbaycan Fövqəladə Hallar Nazirliyi Azərbaycanın Türkmənistandakı səfirliyinə istinadən məlumat verib.
Cəsədin dekabrın 4-də “Günəşli” yatağında baş vermiş qəza nəticəsində itkin düşən neftçilərdən birinin olduğu ehtimal edilir.
“Mərhumun şəxsiyyətinin müəyyən edilməsi və Azərbaycana gətirilməsi üçün FHN-in “BE-200ÇS” amfibiya tipli təyyarəsi istintaq qrupu ilə birgə Türkmənistana göndərilib”, - məlumatda deyilir.
Xatırladaq ki, 2015-ci il dekabrın 4-də Xəzərin “Günəşli” yatağındakı 10 saylı platformada qaz quyusunda yanğın baş verib. Dənizdə qasırğa olması ilə əlaqədar platformadakı 64 nəfərin yarısını xilas etmək mümkün olub. Sonradan 14 nəfərin cəsədi tapılıb, qalan 16 neftçi itkin düşmüş sayılır.
Həmin gün “Neft Daşları” yatağında da güclü külək üç neftçini dənizə atıb. Onlar həlak olub. -02D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz