![T.Vəliyev: Bütöv haqsızlıq sistemilə üzləşmişəm](https://turan.az/resized/./turan-750-500-resize.webp)
T.Vəliyev: Bütöv haqsızlıq sistemilə üzləşmişəm
Bakı şəhər Binə qəsəbə sakini Tofiq Vəliyev əmək və ədalətli məhkəmə araşdırması hüquqlarının tapdanmasından şikayət edib.
1984-cü ildən “Azneft”də (indiki SOCAR) özüüzən qazma qurğusunda kapitan işləyən T.Vəliyev 2008-ci ilin noyabrında işdən azad edilib. O, məzuniyyətdə ikən “üzürsüz səbəbdən işə çıxmadığı” bəhanəsilə işdən azad edilib. T.Vəliyev deyir ki, bu maddə ilə işdən azad olunmasının səbəbini soruşduqda həmkarlar ittifaqının sədri neftçilərə verilən güzəştlərdən istifadə edə bilməməsi üçün bu maddəni tətbiq etdiklərini söyləyib. Yerinə isə çalışdığı sahədə hər-hansı təcrübəsi olmayan kiminsə qohumu olan bir şəxsi götürüblər.
Amma əmək kitabçasında işdən azad olunması tarixi kimi 2009-cu il yanvarın 1-i göstərilib.
2009-cu ildən 2011-ci ilə kimi T.Vəliyev hər-hansı şikayət etməyib, rəhbərlik tərəfdən işə düzələcəyi haqda veriən vədlərə inanıb. Yeri gəlmişkən, T.Vəliyev onlarla işçinin işdən azad olunmaq haqda “könüllü” şəkildə ərizə yazmağa məcbur edildiklərini də nəzərə çatdırıb.
Yalnız 2011-ci ildən məhkəmə şikayətlərinə baş vurub və məhkəmə çalışmalarına başlamaq üçün əmək müqaviləsini və işdən azad olunması haqda əmrin surətini tələb edib.
T.Vəliyev Xəzər rayon məhkəməsində ona çatacaq pulların verilməsi iddiası qaldırıb. Onun sözlərinə görə, uzunmüddətli əmək fəaliyyəti ərzində məzuniyyətlərindən istifadə edə bilməyib, bayramlarda verilən pul mükafatlarını almayıb və bunlar üst-üstə 100 min manata yaxın pul vəsaiti deməkdir.
2011-ci ildə məhkəmə prosesi başladıqda T.Vəliyev saxtakarlıqların şahidi olduğunu söyləyib. Məhkəmə baxışı zamanı hansısa cədvəlllərə qol çəkməsi, pul götürməsi, ərizələr yazması kimi saxta sənədlərin üzə çıxdığını bildirib. Onun sözlərinə görə, bu sənədlərdə imzasına qədər hər şey saxtadır. “Mən nə belə sənədlər görmüşəm, nə də onları imzalamışam, həmin sənədlərin göstərildiyi tarixlər mənim dənizdə olan vaxtlarıma “təsadüf” edib və mən dənizdə olmuşam, istəsəm belə imzalamaq imkanından məhrumam”, - deyə bildirib.
T.Vəliyev Xəzər rayon məhkəməsində verdiyi vəsatətlərin heç birinin qəbil edilmədiyini, üstəlik hakimin məhkəmə iclaslarının protokollarını saxtalaşdırdığını deyib. Daha sonra T.Vəliyev Apellyasiya şikayəti verib. Bakı Apellyasiya Məhkəməsi birinci instansiya məhkəməsinin qərarını qüvvədə saxlayıb. Onun sözlərinə görə, daha sonra Ali Məhkəməyə kassasiya şikayəti verilib. Bu məsələ üzrə Ali Məhkmədə bu şikayətə 3 dəfə baxılıb. Ali Məhkəmə şikayəti qismən təmin edib. T.Vəliyevə 3 min 745 manat pul ödənilib.
T.Vəliyev haqları uğrunda mübarizə apardıqda tək bir idarəyə qarşı mübarizə apardığı düşüncəsində olub. “İndi isə haqlarım uğrunda bütöv bir sistemlə mübarizə aparmağa məcburam”, deyə T.Vəliyev bildirib.
Son olaraq, T.Vəliyev qeyd edib ki, məsələ bitməyib, ona çatacaq pulları ala bilmək üçün martın 6-da Xətai rayon məhkəməsində yeni proses başlayır. -05B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz