Rusiyanın Tver şəhərinin 25 yaşlı sakini Nurlan Hacıyev Türkiyədə tanışına pul köçürdüyünə görə terrorizmi maliyyələşdirməkdə ittiham olunub, xəbəri “Azadlıq” radiosu yayıb.
Vəkil Yelena Romanovanın sözlərinə görə, iş bu ilin martında açılıb. Etnik azərbaycanlı Hacıyev Cinayət Məcəlləsinin 205.1-ci maddəsi ilə ittiham olunur, onu maliyyələşdirmə yolu ilə terror fəaliyyətinə yardıma görə 10 ilədək azadlıqdan məhrumetmə cəzası gözləyir.
Nurlan Hacıyev özü bildirir ki, 2014-cü ildə qonaq getdiyi yerdə bir gənclə tanış olub, onlar dostlaşıblar və “VKontakt” sosial şəbəkəsində söhbət etməyə başlayıblar. Tezliklə bu şəxs İstanbuldan fotoşəkillər dərc etməyə başlayıb, ailəsi ilə birlikdə oraya köçdüyünü və sürücü işlədiyini bildirib.
2014-cü ilin ortalarında Hacıyevin tanışının Suriyada qanunsuz silahlı birləşmələrə qoşulduğu barədə söhbət yayıldı. “O, vaxtaşırı Suriyada döyüş əməliyyatları zonasına getdiyini deyirdi və məni də öz ideologiyasına cəlb etməyə çalışırdı”, deyə Hacıyev bildirib.
Bir müddət sonra tanışı maliyyə yardımı istəyib, onkoloji xəstəliyi çıxdığını və Türkiyədə xəstəxanada olduğunu bildirib. Hacıyev tanışının həyat yoldaşının kartına 2000 rubl köçürüb.
2015-ci ilin martında Hacıyevə “FSB”nin (Federal Təhlükəsizlik Xidməti) siyahısında adı olduğunu deyiblər və polisə gəlməsini istəyiblər. Həmin vaxt ona ittiham irəli sürmədən, sərbəst buraxıblar. Amma səkkiz ay sonra hüquq-mühafizə orqanları ona şərti cəza və cərimə müqabilində “əməkdaşlıq” təklif ediblər.
Azərbaycan diasporasının rəhbəri bildirib ki, onun FSB-dəki tanışı təqsirini boynuna alarsa və dövlət vəkilinin yerinə özü vəkil tutmamağa söz verərsə, Hacıyevi məhkəmədən əvvəl azad etməyi vəd edib. Amma Hacıyev kağızları imzaladıqda öyrənib ki, ittiham edildiyi maddə şərti cəza imkanını istisna edir.
Dövlət müdafiəçisinin yerinə prosesə daxil olan vəkil Romanova deyir ki, istintaq 2000 rublun nəyə xərcləndiyini müəyyən edə bilməyib, amma iş materiallarında Hacıyevin “İslam dövləti” ideyalarına şərik olduğu haqqında ekspertiza var. İstintaq bu nəticəni təqsirləndirilən şəxsin yazışmada yalnız “müsəlmanların qətlini” yolverilməz hesab etməsindən çıxarıb. -02D-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz