Ukraynada Luqansk uğrunda separatçılarla döyüşdə Azərbaycanın Beyləqan rayonunun Daşburun qəsəbəsindən olan Yolçu Əliyev həlak olub. Bu barədə Turan-a Ukraynadakı Azərbaycan Diaspor Təşkilatından bildirilib.
Məlumatda deyilir ki, Yolçu Əliyev Luqansk uğrunda gedən döyüşlərdə könüllü yazıldığı "Aydar" Ukrayna hərbi birləşməsinin tərkibində döyüşərkən iyulun 27-də həlak olub.
Hadisə Ukrayna ordusunun ağır texnikasının ön cəbhəyə keçməsinə şərait yaratmaq və blokpostu tutmaq cəhdi zamanı baş verib. O, vətəndaşı olduğu Ukrayna dövlətinin ərazi bütövlüyü və müstəqilliyinin qorunması uğrunda döyüşlərdə qəhrəmancasına həlak olub.
Yolçu Əliyev bu gün Kiyev şəhərində dəfn olunub. Dəfn mərasimində Ukraynanın rəsmi nümayəndələri ilə yanaşı bu ölkədə yaşayan ictimai fəal azərbaycanlılar iştirak ediblər.-03D-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz