Yazıçı Əkrəm Əylisli bu gün Bakı aeroportunun polis şöbəsində 11 saat saxlandıqdan sonra sərbəst buraxılıb. Bu barədə onun kiçik oğlu Nəcəf Naibov bildirib. Onun sözlərinə görə, saat 20:00-a yaxın Ə.Əylislini buraxıblar, lakin xəbərdarlıq ediblər ki, araşdırma ilə bağlı çağıracaqlar.
N.Naibov deyib ki, araşdırmanın nəylə əlaqədar aparıldığının təfərrüatını bilmir.
“Mən bütün detalları bilmirəm. Yəqin ki, sonra atam özü hər şeyi danışacaq”, - N.Naibov qeyd edib. Eyni zamanda deyid edib ki, yazıçı ilə sərhədçilər arasında heç bir münaqişə baş verməyib.
“Daş yuxular” romanı işıq üzü gördükdən sonra Ə.Əylisli hüquq-mühafizə orqanlarına çağırılmayıb.—06--
2016 Mart 30 (Çərşənbə) 18:42:41
Səhər saatlarında Bakı aeroportunda saxlanılmış məşhur yazıçı Əkrəm Əylisli saat 18:30-da hələ də azad edilməyib.
Turan-a verilən məlumata görə, nəqliyyatda polis idarəsi tərəfindən araşdırma aparılır.
Qeyd edək ki, yazıçı xaricə buraxılmayıb, ölkəni tərk etməsinə qadağa qoyulduğu bildirilib.
Sonradan DİN 78 yaşlı yazıçını polis və sərhəd xidməti ilə münaqişədə ittiham edib.
Səhər saatlarından etibarən yazıçını və oğullarını aeroportda saxlayırlar, onunla əlaqə kəsilib, telefonları söndürülüb.-03В-
2016 Mart 30 (Çərşənbə) 13:14:42
Daxili İşlər Nazirliyi (DİN) yazıçı Əkrəm Əylislinin Bakı aeroportunda saxlanmasına aydınlıq gətirib. DİN mətbuat xidmətinin nümayəndəsi Turan-a bildirib ki, Ə.Əylisli buraxılış məntəqəsindən keçərkən əməkdaşlarla münaqişə yaratdığı üçün saxlanılıb.
Hazırda araşdırma aparılır. -16d-
2016 Mart 30 (Çərşənbə) 11:49:52
Yazıçı Əkrəm Əylisli bu gün səhər Bakı aeroportunda saxlanılıb. O, Venesiyada keçirilən (30 mart-2 aprel) “Incroci Di Civilta” beynəlxalq ədəbiyyat festivalında iştirak etmək üçün ölkədən çıxırdı. Saat 5:11-də 613 saylı reyslə uçmalı idi. Amma sərhədçilər onun ölkədən çıxışına qadağanın qoyulduğunu bildiriblər.
Ə.Əylislinin həyat yoldaşı Qalina Əylislinin Turan-a bildirdiyinə görə, yazıçıya ölkədən çıxışına qadağa qoyulduğu deyilib. Amma bu qadağanın nə ilə bağlı olduğu açıqlanmayıb.
Q.Əylislinin dediklərinə görə, Ə.Əylisli böyük oğlu İlyas Əylisli ilə birlikdə Nəqliyyatda Baş Polis İdarəsinin aeroportdakı bölməsində saxlanılır. Saat 9:00-dan bölmədə olan yazıçı və oğlu hələ də oradan buraxılmayıb.
Xatırladaq ki. Ə.Əylisli 2013-cü ildə yazdığı “Böyük tıxac” əsərinə görə rəsmi Bakının qəzəbinə gəlmişdi, ona qarşı hökumətyönlü mediada antikampaniya başlamışdı. Yazıçı bu əsərdə erməni təbliğatı aparmaqda ittiham olunub. –0--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz