Vasif Talıbov dövlət işçilərinin muzeylərə kollektiv şəkildə getməsi barədə sərəncam imzalayıb

Naxçıvanda dövlət orqanlarının işçiləri bundan sonra kollektiv şəklində muzeylərə gedəcək. Bu barədə Naxçıvan Muxtar Respublikası Ali Məclisinin sədri sərəncam imzalayıb.

Sərəncamda deyilir ki, Naxçıvan Muxtar Respublikasında dövlət orqanları işçilərinin muzeylərə kollektiv gedişi təmin edilsin. “Naxçıvan Muxtar Respublikası Ali Məclisinin Aparatı bu sərəncamdan irəli gələn məsələləri həll etsin”, deyə  sənəddə qeyd edilir.

Vasif Talıbov “Muzeylərlə əlaqələrin daha da gücləndirilməsi haqqında” sərəncamı ötən il dekabrın 19-da imzalayıb. Sənəd bu günlərdə yerli mediada çap olunub.

Sənədə görə, əgər 1997-ci ilədək Naxçıvan Muxtar Respublikasında 13 muzey fəaliyyət göstərirdisə, hazırda 30 müxtəlif profilli muzey var.

“Muzeylər mədəni irsimizin, milli dəyərlərimizin qorunması və təbliğində, gənc nəslin tərbiyəsində və dünyagörüşünün zənginləşməsində böyük əhəmiyyətə malikdir. Bütün bunlar nəzərə alınaraq, muzeylərdə açıq dərslər keçirilir, ümumtəhsil məktəbləri ilə muzeylər arasında interaktiv təhsil təşkil olunur. Görülən tədbirlər maddi-mənəvi sərvətlər xəzinəsi olan muzeylərə marağın artmasına, tariximizin, mədəniyyətimizin hərtərəfli öyrənilməsi və təbliğinə şərait yaradır”, deyə Talıbovun imzaladığı sərəncamda bildirilir.

Nakhchivan.az  portalında göstərilir ki, burada 23 muzey, 1  muzeytipli müəssisə olan Naxçıvan Dövlət Rəsm Qalereyası fəaliyyət göstərir. Muzeylərdə, ümumilikdə, əsas fond əşyalarının sayı 107776-dır. Nların arasında portal aşğadakiləri geyd edir:  

Heydər Əliyev Muzeyi   

Naxçıvan Dövlət Tarix Muzeyi  

C.Məmmədquluzadə  adına Naxçıvan Muxtar Respublika Ədəbiyyat Muzeyi 

Naxçıvan Dövlət Xalça Muzeyi 

Açıq Səma Altında Muzey 

Hüseyn Cavidin Ev Muzeyi

Cəmşid Naxçıvanskinin Ev Muzeyi

Cəlil Məmmədquluzadənin Ev Muzeyi

Xatirə Muzeyi

Bəhruz Kəngərli Muzeyi

“Xan Sarayı” Dövlət Tarix-Memarlıq Muzeyi

-03D-