Vətəndaş Cəmiyyətini Müdafiə Komitəsi (VCMK) bloger Mehman Hüseynovun azadlığa biraxılmasını, hərtərəfli təhqiqat aparılmasını və yanvarın 9-da onu oğurlayanların, fiziki və mənəzi əziyyət verənlərin cəzalandırılmasını tələb edib.
VCMK-nın bəyanatında qeyd olunur ki, martın 3-də Suraxanı Rayon Məhkəməsi Reportyorların Azadlığı və Təhlükəsizliyi İnstitutunun rəhbəri, bloger Mehman Hüseynovu CM-in 147-ci (ağır cinayət haqqında böhtan) maddəsi ilə 2 il azadlıqdan məhrum edib. Məhkəmə yanvarın 9-da polis tərəfindən oğurlandıqdan sonra işgəncələrə məruz qalması barədə M.Hüseynovun bəyanatını böhtan hesab edib.
Qərar blogerin günahı sübut edilmədən çoxsaylı prosessual pozuntularla çıxarılıb. Məhkəmə çəkişmə prinsipini pozub, xüsusi ittihamçının gəlişini, müdafiə tərəfinin vəsatətlərindən heç birini təmin etməyib.
Məhkəmə iclasının gedişi və Mehman Hüseynovun həbsinin əsaslı olması barədə ölkə prezidentinin köməkçisi Əli Həsənovun bəyanatı bu işin siyasi motivli olduğunu göstərir və Azərbaycanda söz azadlığına qarşı repressiyaların, insan haqlarının pozulmasının daha bir təzahürüdür, bəyanatda bildirilir.—0—
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz