Vətəndaş Cəmiyyətini Müdafiə Komitəsi (VCMK) çərşənbə günü növbəti iclasında jurnalist Xədicə İsmayılova barəsində 7,5 il müddətinə azadlıqdan məhrumetmə hökmünü pisləyib. İclas iştirakçıları hökmü jurnalistə qarşı ləkəyaxma və təzyiq kampaniyasının məntiqi davamı adlandırıblar və onun azad edilməsini tələb ediblər.
Həmçinin jurnalist Rasim Əliyevin qətli üzrə istintaqın gedişi məsələsi müzakirə olunub.
Əliyevin ailəsinin hüquqlarının müdafiəsinə məşhur vəkil Əsabəli Mustafayevin cəlb edildiyi məmnuniyyətlə qeyd edilib.
İclas iştirakçıları həmçinin siyasi məhbusların ailələri ilə əlaqə qurmağı, onların ehtiyaclarını, maddi–mənəvi vəziyyətini öyrənməyi, əldən gələn köməyin göstərilməsini zəruri hesab ediblər.
VCMK cəzaçəkmə müəssisələrində bəzi siyasi məhbuslara qarşı təzyiq haqqında məlumatı həyəcanla qarşılayıb. Bununla əlaqədar olaraq VCMK Penitensiar Xidmətdən bu məhbuslarla görüşə nail olmaq niyyətindədir. -06D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz