![Vəhabini döyən şəxs xuliqanlığa görə həbs edilib](https://turan.az/resized/750/500/resize/media/2014/main/070800083668.jpg)
Vəhabini döyən şəxs xuliqanlığa görə həbs edilib
Sabirabadda dini dözümsüzlük zəminində baş verən insident iştirakçılarından biri Rəmzi Zeynalov həbs edilib.
Xatırladaq ki, iyulun 4-də İnternetdə vəhabinin ələ salınmasını, zorla saqqalının qırxılmasını əks etdirən videokadrlar yayılıb. Zərərçəkmiş Kürdəmir rayon sakini Cavanşir Zərbəliyev, onu incidən şəxs isə Rəmzi Zeynalov idi.
Zeynalova qarşı 221.1-ci (xuliqanlıq) maddə ilə ittiham irəli sürülüb, məhkəmə isə onu 2 ay müddətinə həbs edib. Bu barədə Turan-a Sabirabad rayon prokurorunun köməkçisi İbrahim İbrahimov bildirib.
İstintaq Sabirabad rayon polisində aparılır. 221.1-ci maddə bir ilədək azadlıqdan məhrumetmə cəzası nəzərdə tutur.
Qeyd edək ki, ölkənin bir çox məşhur din xadimləri dini azlığın nümayəndəsinə qarşı divanı pisləyiblər.
Maraqlıdır ki, iş siyasi məhbuslara qarşı tez-tez istifadə olunan 283-cü “milli, irqi, sosial və ya dini kin və ədavət salmaq” maddəsi ilə deyil, yalnız “xuliqanlıq” kimi tövsif edilib. -06B-
-
- Cəmiyyət
- 8 İyul 2014 18:42
-
- Sual-cavab
- 8 İyul 2014 19:09
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz