Vəkil C.Cavadov: İntiqam Əliyevin ciddi müayinəyə və müalicəyə ehtiyacı var

Vəkil Cavad Cavadov mayın 22-də Bakı İstintaq Təcridxanasında hüquq müdafiəçisi İntiqam Əliyevə baş çəkib. Turan-ın müxbiri ilə söhbətində vəlkil bildirib ki, Əliyevin ciddi tibbi müayinəyə və müalicəyə ehtiyacı var.

 “Bir həftə əvvəl kürəyində güclü ağrılar olması ilə əlaqədar mən İntiqam Əliyevlə görüşə bilməmişdim. Bu gün İntiqam Əliyev görüşə gəlib. Amma o, çox çətin hərəkət edirdi”, deyə Cavadov bildirib.

   Əliyev qeyd edib ki, güclü ağrılarla əlaqədar o, uzun müddət faktiki olaraq hərəkət edə bilməyib.

   Bu zaman istintaq təcridxanasında ona ciddi tibbi yardım göstərilmir. Orada Əliyevə yalnız ağrıkəsici dərmanlar verməklə kifayətlənirlər, onlar isə ağrını aradan qaldırmır, yalnız müvəqqəti olaraq azaldır.

    “İntiqam Əliyevin ciddi qulluğa və müalicəyə ehtiyacı var. Onun kürəyində həbsindən əvvəl də ağrılar var idi, amma həmin vaxt o, fizioterapiya seansları qəbul edirdi. İstintaq təcridxanasında bunun üçün şərait yoxdur. İntiqam Əliyevin hətta rentgen müayinəsini həyata keçirməyiblər. İstintaq təcridxanasında az hərəkətli vəziyyət, görünür, xəstəliyin güclənməsinə səbəb olub”, deyə Cavadov bildirib.

    Onun sözlərinə görə, Beynəlxalq Qırmızı Xaç Komitəsinin nümayəndələri Əliyevə baş çəkiblər və o, onlara öz vəziyyəti haqqında məlumat verib.

    Vəkilin müvafiq orqanlara müraciətlərinə isə heç bir cavab yoxdur.

    Bununla belə, Cavadov qeyd edib ki, Əliyevin saxlanma şəraiyindən şikayəti artıq Avropa İnsan Hüquqları Məhkəməsinin kommunikasiyasındadır.

    * İntiqam Əliyev 8 avqust 2014-cü il tarixində həbs edilib, bu il aprelin 22-də isə o, iqtisadi cinayətlər ittihamı ilə 7,5 il müddətinə azadlıqdan məhrum edilib. Lakin hüquq müdafiəçisinin təqsiri nə istintaqda, nə məhkəmədə sübuta yetirilməyib, ittihamlar isə siyasi motivli olub. Amnesty İnternational Əliyev “vicdan məhbusu” kimi tanıyıb. -06D-