Çərşənbə axşamı vəkil Ailə Musayeva Bərdə rayonunda təzyiqlərə məruz qalması ilə bağlı RATİ-də mətbuat konfransı keçirib.
Təzyiqlərə səbəb bir yol qəzası hadisəsində tərəflərdən birinin hüququnu müdafiə etməsidr. Belə ki, rayon sakini Vüsal Əhmədov bu ilin mayında avtomobilini rayonun gur insan yeri olan “Piramida” mağazasının qarşısında saxlayarkən polis əməkdaşı Samir Cəbiyev öz avtomobililə arxadan V.Əhmədovun maşınını vurub. İdarəetməni itirən V.Əhmədovun maşını piyadaya və başqa maşına çırpıb, nəticədə iki ölüm hadisəsi baş verib. V.Əhmədov aldığı xəsarətlərdən müalicə almalı olub. Bu müddətdə qarşı tərəf bütün hadisələrin mahiyyətini öz xeyrinə dəyişib. Belə ki, polis maşınının V.Əhmədovun maşınına dəyməsi məsələsi sıradan çıxarılıb.
Buna baxmayaraq, vəkil A.Musayeva iyunun 23-də və 26-da qapalı məhkəmə keçirilməsinə nail olub. Amma hər iki halda xoşagəlməz hallarla üzləşib. Belə ki, iclasa daxil olan bir qrup qadın vəkil A.Musayevanı Vüsal Əhmədovu müdafiə etdiyi üçün cəzalandırmaq istəyib. “Həmin qapalı iclasın keçiriləcəyini mən, rayon prokuroru və polisi bilirdi, ona görə də bu hadisənin baş verməsini sıradan bir hadisə saymıram”, - A.Musayeva qeyd edib. Vəkilin qənaətinə görə, bu adamlar öncədən öyrədilmiş və təlimat almış şəxslər ola bilər. Vəkil bu qadınların onu tanımadığını bildirib və onu bu şəxslərə tanıdan birinin olduğunu ehtimal edib. Vəkilin fikrincə, bu qadınların cinayətə belə arxayın imza atmaları ölkədə cəzasızlıq şəraitinin olması ilə bağlıdır.
Vəkil hadisənin obyektiv araşdırılması üçün cinayət işinin başqa rayona göndərilməsini əsas sayır.-05C-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz