Vəkil Fuad Əhmədlinin hüquqlarının məhdudlaşdırıldığını bildirir
AXCP fəalı Fuad Əhmədlinin saxlandığı vaxtdan – avqustun 18-dən doğmaları ilə görüşmək, onlarla telefonla danışmaq imkanı olmayıb. Bu barədə Turan-a onun vəkili Əsabəli Mustafayev məlumat verib.
F.Əhmədli öncə Dövlət Təhlükəsizlik Xidmətinin (DSX) təcridxanasında saxlanılıb, sentyabrın 2-dən isə 1 saylı Kürdəxanı təcridxanasına köçürülüb.
Vəkil F.Əhmədlinin doğmaları ilə görüşmək və telefonla damışmaq hüququnun məhdudlaşdırılmasını qanunsuz sayır.
Ailə üzvləri ilə görüşə və telefon danışıqlarına məhdudiyyət məhkəmənin qərarı ilə müstəntiqin təqdimatı əsasında qoyula bilər. Vəkil Kürdəxanı təcridxanasının nə qeydiyyat şöbəsində, nə də dəftərxanasında belə qərarın olmadığını bildirib. Beləliklə, fəalın hüquqları qanunsuz olaraq məhdudlaşdırılıb.
Ə.Mustafayev F.Əhmədli ilə sentyabrın 5-də görüşüb.
F.Əhmədli saxlanma şəraitindən şikayətlənməyib. Ancaq onun səhhətində problemlər qalır. Əgər məhdudiyyət götürülməsə vəkil məhkəməyə müraciət edəcək.
Bundan əlavə, müdafiə tərəfi həbs qətimkan tədbirinin ev həbsilə əvəzlənməsi barədə vəsatət qaldırıb. Vəsatətə yaxın günlərdə baxılacaq.
Fuad Əhmədli avqustun 18-də həbs edilib. Ona qarşı Cinayət Məcəlləsinin 302.1 (əməliyyat-axtarış fəaliyyəti haqqında qanunvericiliyi pozma) və 308.1-ci (vəzifə səlahiyyətlərindən sui-istifadə) maddələrilə ittiham irəli sürülüb.
Baş Prokurorluq və DTX-nın birgə məlumatında deyilir ki, “Azərfon” MMC-də “Zənglər mərkəzi”ndə operator vəzifəsində işləyən Fuad Əhmədli abunəçilərə aid fərdi məlumatları, o cümlədən zəng tarixçələrindən çıxarışları, antenalar üzrə olduqları yerləri, qapalı məlumatları çıxarıb müəyyən adamlara ötürüb. F.Əhmədli həmçinin Fətullah Gülən şəbəkəsilə əlaqəli şəxs kimi təqdim olunub, yaşadığı evdən Gülənə aid vərəqələrin tapıldığı iddia olunub.
AXCP bu ittihamları rədd edərək onları siyasi motivli uydurma hesab edir.—06d--
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz