Hakim jurnalistin şikayətini araşdırmayıb və onun vəkilini cəzalandırmaq istəyir

Səbayel Rayon Məhkəməsi jurnalist Aytac Əhmədovanın DİN Baş Mütəşəkkil Cinayətkarlığa Qarşı Mübarizə İdarəsinin əməkdaşları (BMCQMİ) tərəfindən saxlanmasına dair şikayətinə baxmayıb.

Jurnalist ötən il sentyabrın 16-da saxlanılıb. O, beş saat BMCQMİ-də saxlanılıb. “Meydan” TV İnternet-resursun fəaliyyətinə təzyiq məqsədilə onu dindiriblər.

BMCQMİ-nin hərəkətindən hələ ötən il Baş Prokurorluğa şikayət verilib. Lakin baş prokurorun birinci müavini Rüstəm Usubov  jurnalistin qanunsuz saxlanması faktı üzrə cinayət işinin qaldırılmasından imtina edib. Bu il iyunun əvvəlində müdafiə tərəfi məhkəmə nəzarəti qaydasında Baş Prokurorluğun qərarından Səbayel Rayon Məhkəməsinə şikayət verib. Cinayət-prosessual qanunvericiliyinə görə, şikayətə 10 gün ərzində baxılmalı idi. A.Əhmədovanın maraqlarını müdafiə edən Zibeydə  Sadıqova bildirib.

Lakin şikayətə baxılması yubanıb. Nəhayət, sentyabrın 5-də hakim Elmar Rəhimov şikayəti baxılmamış saxlayıb.

Hüquqşünasın sözlərinə görə, bu qərar qanunsuzdur. Çünki Cinayət-Prosessual Məcəlləyə görə, hakim barəsində şikayət verilən hərəkətlərin ya qanuni, ya da qanunsuz olduğunu bildirməlidir. Qanunvericiliklə üçüncü variant istisna olunur. 

Bundan əlavə, hakim Z.Sadıqovadan Vəkillər Kollegiyasına şikayətlə bağlı qərar qəbul edib.

Hakim Z.Sadıqovadan A.Əhmədovanın müdafiəsi üçün order tələb edib. Vəkil bu tələbi qanunsuz hesab edir. Çünki qanunvericiliyə görə, vəkildən order o zaman tələb olunur ki, onun müdafiə etdiyi şəxs zərərçəkən kimi tanınsın.

Z.Sadıqova deyib ki, şikayətin baxılmamış saxlanması barədə məhkəmə qərarından apellyasiya veriləcək.06В--