Vəkil jurnalist Rasim Əliyevin işi ilə bağlı istintaq qarşısında vəsatətlər qaldırıb
Vəkil Əshabəli Mustafayev bu il avqustun 9-da dünyasını dəyişmiş jurnalist Rasim Əliyevin işilə bağlı müstəntiqlə bu günlərdə görüşüb. Bu haqda Turan-a vəkil Ə.Mustafayev bildirib.
O qeyd edib ki, müstəntiqə iki vəsatət təqdim edib. Vəsatətlərin biri cinayət materialları ilə tanışlıq olib. Vəkil onu da bildirib ki, daha çox cinayətin mahiyyəinə aid sənədlərlə tanışlığı nəzərdə tutur. Bütün materiallarla olmasa da zərərçəkən tərəfin bəzi sənədlərlə istintaq başa çatmazdan öncə tanış olmaq hüququ var.
Daha bir vəsatət R.Əliyevə hücum edən şəxslərin mərhuma məxsus mobil telefon və pulqabını götürməsilə bağlıdır.
Ə.Mustafayev bildirib ki, bu epizodda soyğunçuluq və quldurluq elementləri var və buna görə ayrıca cinayət işi qaldırılmalıdır.
Vəkil R.Əliyevi döyən şəxslərə qarşı hazırda cinayət işinin 126-cı (ölümə səbəbə olan xəsarətlərin yetirilməsi) maddəsilə istintaq getdiyini deyib. O, “Qəbələ” futbol klubunun oyunçusu Cavid Hüseynova cinayəti bilib xəbər verməməklə bağlı ittiham irəli sürülməsində maddənin düzgün tövsif olunmadığını deyib. Onun fikrincə, C.Hüseynov 120-ci maddə ilə təhrikçi, təşkilatçı kimi ittiham olunmalıdır. “O beş nəfəri ora C.Hüseynov göndərib, bu adamların hara və nə üçün getdiyini də yaxşı bilirdi. Əgər Rasimlə söhbətə gedirdilərsə 1-2 nəfər də kifayət idi, 5 nəfər artıq konkret məqsəd - Rasimi cəzalandırmaq üçün gedirdi”, - vəkil bildirib.
Vəkil Ə.Mustafayev müstəntiqin istintaqın obyektiv aparılacağını və günahkar olanların layiqli cəzalarını alacağını söylədiyini nəzərə çatdırıb.
Jurnalsit Rasim Əliyev 2015-ci il avqustun 8-də bir qrup şəxs tərəfindən döyülüb, daha sonra xəstəxanaya yerləşdirilib, avqustun 9-u səhərə yaxın xəstəxanada vəfat edib. Ölümündən öncə R.Əliyev “Qəbələ” klubunun futbolçusu Cavid Hüseynovla arasında sosial şəbəkədə söz “atışması” olması, daha sonra haqqında danışılan 5-6 nəfər tərəfindən fiziki zorakılığa məruz qalması haqda açıqlama verib.-05B-
-
- Cəmiyyət
- 21 Sentyabr 2015 13:28
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz