Vəkil məcburi köçkünlərin etiraz aksiyasının iştirakçılarının həbsilə bağlı şikayət verib
Vəkil Elçin Sadıqov Cəbrayıl rayonundan məcburi köçkünlər Cəlal Quliyev və Zaur Feyruzlunun həbsilə bağlı apellyasiya şikayəti verib.
Onlar Biləsuvar rayonunda elektrik enerjisinin kəsilməsinə etiraz olaraq keçirilən aksiyada iştiraka görə saxlanılıblar. Onlara qarşı CM-in 186.2-ci (başqasının əmlakına qəsdən ziyan vurmaq, 233-cü (iğtişaşlar törətmək) və 315-ci (hakimiyyət nümayəndəsinin əmrlərinə tabe olmamaq) maddələrilə ittiham irəli sürülüb.
Vəkil Turan-a bildirib ki, C.Quliyev və Z.Feyruzlu Kürdəxanı təcridxanasında saxlanılır. Ancaq hələlik vəkil onlarla görüşə bilməyib.
Həbslə bağlı apellyasiya şikayətinə Şirvan Apellyasiya Məhkəməsində baxılacaq.
E.Sadıqovun məlumat verib ki, aksiyada iştiraka görə 10 nəfər saxlanılıb. Lakin DİN və Baş Prokurorluq ancaq üç iştirakçının saxlandığını bildirib.
Xatırladaq ki, dekabrın 22-də bir qrup məcburi köçkün qəsəbəyə elektrik enerjisinin verilməməsi səbəbindən Biləsuvar-İmişli trassını bağlayıblar.
Polis iştirakçılara qüvvə tətbiq edib. Hər iki tərəfdən zərərçəkənlər var.
Borcların hissə-hissə ödənilməsi şərtilə 11 qəsəbəyə elektrik enerjisinin verilməsi bərpa edilib.–05D--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz