“Hüquqlarını müdafiə etdiyim keçmiş müstəntiq Rüfət Səfərovun səhhəti məni narahat edir”, - R.Səfərovun vəkili Bəhruz Bayramlı Turan-a bildirib.
Vəkil deyib ki, R.Səfərova həbsxana şəraitində təxribat törədilib və heç bir günahı olmadığı halda “kars”a salınıb: “Bu təxribat bir hadisə olmaqla bitmir. Bu, davam edə bilər. Odur ki, mən R.Səfərovun həyatı üçün narahatam, onun karsa salınması ilə bağlı qərarları götürmək istəsəm də rəis olmadığı üçün bu qərarları mənə vermədilər. Məcburam ki, poçt ilə məktub göndərib. Qərarları alım və məhkəməyə müraciət edim”.
B.Bayramlı R.Səfərova qarşı təxribatın təfərrüatı barədə də açqılama verib. Vəkil R.Səfərova istinadən deyir ki, gəzinti zamanı yaşı 60-dan yuxarı bir şəxs R.Səfərova dalınca danışdığı barədə irad bildirib, bundan sonra R.Səfərovu “xalq düşməni”. “vətən xaini”, “yaşamağa haqqı olmaması”, əfvə düşməsinə mane olması kimi ağır və əsassız ittihamlara məruz qoyub.
Vəkilin deməsinə görə, R.Səfərov bununla bağlı həbsxana rəhbərliyinə bildirib. Həbsxana rəhbərliyi də hər iki şəxsi “mübahisə tərəfi” sayaraq həmin şəxsə 5 sutka, R.Səfərova isə 3 sutka “kars” cəzası verib.
Vəkil bildirir ki, R.Səfərov dərman istəsə də nəzarətçilər “dərman limit”i dolduğu üçün ona dərman verməkdən imtina ediblər: “Bundan əlavə, bir gün yatağını yığıb apararaq bir də axşam saat 19:00-da qaytarıblar.
Vəkil bildirib ki, R.Səfərova onun özünə, ailəsinə dəstək olan hər bir şəxsə salmalarını çatdırmağı da xahiş edib.
Xatırladaq ki, R.Səfərov 2015-ci il dekabrın 20-də bəyanat yayraq prokurorluq sistemindən istefa verib. Bundan sonra R.Səfərov saxlanılaraq təkrar rüşvət ittihamı ilə Binəqədi Rayon Məhkəməsinə çıxarılıb və barəsində 3 aylıq həbs qətimkan tədbiri seçilib. 2016-cı il yanvarın 22-də həbs qətimkan tədbiri ev dustaqlığı ilə əvəz edilib.
Baş Prokurorluq yanında Baş Korrupsiya İdarəsi istintaq apararaq R.Səfərovu təkrar rüşvət almaqda təqsirli bilib. Lənkəran Ağır Cinayətlər üzrə məhkəmə 2016-cı ilin sentyabrında R.Səfərovu məhkəmə zalında həbsə alaraq 9 il azadlıqdan məhrum edib.—0--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz