![Vəkil Taleh Bağırzadənin yanına buraxılmır](https://turan.az/resized/media/2015/main/121800140875-750-500-resize.webp)
Vəkil Taleh Bağırzadənin yanına buraxılmır
Vəkil Cavad Cavadov müvəkkili, “Müsəlman Birliyi” hərəkatının lideri, ilahiyyatçı Taleh Bağırzadənin hüquqlarının pozulması ilə əlaqədar baş prokuror Zakir Qaralova müraciət edib.
Belə ki, Bağırzadə dekabrın 2-də Bakı Apellyasiya Məhkəməsinə aparıldıqdan sonra vəkil Bağırzadənin bədənində ciddi xəsarət izləri görüb. Amma onun həbs edilənlərlə məxfi şəkildə görüşməsinə imkan verməyiblər.
“İndiyədək mənim bir vəkil kimi müvəkkilimlə görüşümə şərait yaratmırlar, doğmalarından isə ərzaq və geyim qəbul etmirlər”, deyə vəkil öz facebook səhifəsində yazıb.
Vəkil həmçinin qeyd edir ki, qanunvericiliyə zidd olaraq, Bağırzadə üç həftədən çoxdur Mütəşəkkil Cinayətkarlığa qarşı Mübarizə İdarəsində saxlanılır və istintaq təcridxanasına köçürülmür, baxmayaraq ki, bunu 24 saat sonra etməli idilər.
Xatırladaq ki, Bağırzadə noyabrın 26-da Nardaranda xüsusi əməliyyat zamanı saxlanılıb. Əməliyyat zamanı 2 polis və 5 mülki şəxs həlak olub. Hüquq-mühafizə orqanları Bağırzadəni və onun tərəfdarlarını hakimiyyəti zorla ələ keçirmək cəhdində, terrorizmdə, qanunsuz silahlı qrup yaratmaqda və s. ittiham edirlər. - 06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz