Yalçın İmanov
Bakı/28.06.18/Turan: Hüquqşünas Yalçın İmanovun Vəkillər Kollegiyasına qarşı şikayətinə Ali Məhkəmədə baxılacaq.
Bu haqda vəkillik fəaliyyəti dayandırılmış Yalçın İmanovun özü məlumat verib.
O, şikayəti üzrə Gəncə Apellyasiya Məhkəməsinin qərardadından Ali Məhkəməyə kassasiya şikayəti verib.
Yalçın İmanovun bildirməsinə görə, kassasiya şikayətində vəkillik fəaliyyətinə xitam verilməsi barədə işə Sumqayıtda baxılması və Vəkillər Kollegiyasının Rəyasət Heyətinə qarşı qarşılıqlı iddiasının icraata götürülməsini tələb edib.
Şikayət artıq icraata götürülüb. Şikayətə hakim Nigar Rəsulbəyovanın sədrliyi ilə avqustun 29-da baxılacaq.
Vəkillər Kollegiyası Rəyasət Heyəti ötən il noyabrın 20-də Y.İmanovun bu qurumdan xaric olunmasından ötrü məhkəməyə müraciət etmək haqda qərar qəbul edib. Məhkəmə qərar verənə qədər İmanovun vəkillik fəaliyyəti dayandırılıb.
Həmin qərar Penitensiar Xidmət rəhbərliyinin şikayəti əsasında qəbul edilib. Penitensiar Xidmətin şikayətində bildirilib ki, Yalçın İmanov hüquqlarını müdafiə etdiyi Abbas Hüseynova Qobustan həbsxanasında işgəncə verilməsi haqda yalan məlumat yayıb.
Kollegiyanın qərarına Gəncə İnzibati-İqtisadi Məhkəməsində baxılıb. Həmin məhkəmədə baxış zamanı Y.İmanovun işin yaşadığı və işlədiyi Sumqayıt şəhərinə göndərilməsibarədə vəsatəti və Rəyasət Heyətinin 20 noyabr 2017-ci il tarixli qərarının ləğvi barədə qarşılıqlı iddiası icraata götürülməyib.
Yalçın İmanovun həmin qərardan şikayətini Gəncə Apellyasiya Məhkəməsi də rədd edib.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz