Bu gün Bakı Ağır Cinayətlər Məhkəməsində qanunsuz narkotik dövriyyəsində ittiham olunan NİDA hərəkatının fəalı Elgiz Qəhrəmanın işi üzrə prosesdə vəkillər Fariz Namazlı və Nemət Kərimlinin yekun çıxışları olub.
Onlar prokurorun 6 il həbs edilməsini təklif etdiyi fəala bəraət verilməsini xahiş ediblər. Vəkil Fariz Namazlının Turan-a verdiyi məlumata görə, məhkəmə Qəhrəmanın təqsirini sübuta yetirə bilməyib, etirafedici ifadlər isə işgəncə yolu ilə alınıb.
Namazlı qanunsuz narkotik dövriyyəsində şübhəli bilinən şəxsin geyiminə əlavə baxışın Ali Məhkəmənin Plemunun qərarı ilə yalnız onun bu statusunun tanınmasından sonra aparıldığına diqqət çəkib. Qəhrəmanın üzərində isə şübhəli şəxs kimi tanımadan öncə axtarış aparılıb.
Bundan başqa, istintaq Qəhrəmanı Fətullah Gülənlə əlaqələri haqqında dindirib, amma ona qarşı bu məsələ ilə bağlı ittiham irəli sürülməyib.
“Biz Qəhrəmanın Gülənlə əlaqələr haqqında dindirilməsinin səbəbi haqqında suala cavab ala bilmədik”, deyə vəkil qeyd edib.
Fəal özü deyib ki, çıxışa hazır deyil, çünki bu gün istintaq təcridxanasında onun yazılı qeydlərini əlindən alıblar. Məhkəmə onun çıxışını yanvarın 16-na təyin edib.
Qəhrəmanın həmfikirlərinin fikrincə, onun həbsinin əsl səbəbi facebook-da İlham Əliyevin oğlunun şah İsmayılla müqayisəsinə istehza etdiyi yazısı səbəb olub. -06B-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz