Vəkillər Seymur Həziyə bəraət verilməsini tələb edir

Çərşənbə axşamı Abşeron rayon məhkəməsində jurnalist Seymur Həzinin işi üzrə prosesdə vəkillər çıxış ediblər.

Adil İsmayılov Həzinin təqsirinin sübutu olmadığını, onun iştirakı ilə insidentin isə jurnalistə qarşı planlaşdırılmış təxribatdır.

İstintaq sübutsuz ittiham təqdim edir və ittiham hökmü çıxarılarsa, məhkəmə saxtakarlığın iştirakçısı olacaq.

İsmayılov yeni məhkəmə istintaqı aparılması və Həziyə bəraət verilməsi haqqında vəsatət qaldırıb.

Vəkilin sözlərinə görə, ittiham aktında cinayət işinin açıldığı vaxt göstərilməyib. Bundan başqa, iş ekspertiza keçirilmədən başlayıb. İnsident avqustun 29-da 12:30-da baş versə də, 40 dəqiqə sonra artıq hadisə yerinə baxış keçirilib.

13:45-də Həzidən ifadə götürülüb, 14:35-də isə artıq onun saxlanılması haqqında qərar qəbul edilib.

Vəkil DİN-ə digər fakt – 26 mart 2011-ci ildə Həzinin Ceyranbatan qəsəbəsində eyni yerdə oğurlanması faktı üzrə istintaqın necə yekunlaşdığı haqqında sorğu göndərilməsi haqqında vəsatət qaldırıb. Həmin vaxt o, naməlum şəxslər tərəfindən oğuranıb və döyülüb. Bu zaman jurnalistə belə deyiblər: “Axmaq olma, İlham Əliyev haqqında yazma”.

Daha sonra vəkil münaqişənin digər iştirakçısı Həsənovun ifadələrində ziddiyyətlər olduğunu qeyd edib. O, Həzidən facebook-da onun məktublarına cavab vermədiyi üçün küsdüyünü iddia edib.

Vəkil Həsənovun səhifəsini məhz kimin idarə etdiyinin araşdırılması haqqında vəsatət qaldırıb, belə ki, onun həbsindən sonra da səhifə aktiv olub.

Vəkil həmçinin hadisə günü Həsənovun telefon danışıqlarının alınması haqqında vəsatət qaldırıb. Müdafiə tərəfi onun münaqişədən iki saat əvvəl oraya gəldiyi haqqında məlumata malikdir.

Lakin məhkəmə bütün bu vəsatətləri rədd edib.

Vəkil Elton Quliyev də bu işin saxtalaşdırılması faktlarından danışıb. Belə ki, Həsənov etiraf edib ki, onun elektron poçtu yoxdur, lakin belə olan halda o, facebook-da səhifə aça bilməzdi. Deməli, Həziyə qarşı təxribat var.

Quliyev həmçinin hər iki insident iştirakçısının xuliqanlıqda ittiham edildiyinə diqqət çəkib ki, bu da görülməmiş haldır. Belə ki, biri xuliqanlıq edirsə, digəri özünü müdafiə etməlidir.

Həzi özünü müdafiə edib və məsuliyyətə cəlb edilə bilməz, buna görə də ona bəraət verilməlidir.

Jurnalist özü bildirib ki, istintaq təcridxanasında ondan yekun çıxışın mətnini alıblar, vəkil İsmayılov isə məhkəmədən jurnalistin çıxışının ona qaytarılmasını təmin etməyi xahiş edib.

Bundan sonra elan edilib ki, növbəti iclas yanvarın 29-na təyin edilib.

* 2014-cü il avqustun 29-da avtobus dayanacağında Məhərrəm Həsənov jurnalistə yaxınlaşıb və onu təhqir etməyə başlayıb. Daha sonra o, Həziyə hücum çəkib və onu döyməyə başlayıb. Özünümüdafiə məqsədilə Həzi hücumçuya əlindəki butılka ilə zərbə endirib. Elə həmin an polis gəlib, Həzini saxlayıb və şöbəyə aparıb. Seymur Həzi “Azadlıq” qəzetinin aparıcı icmalçılarından biri, habelə ölkə hakimiyyətini kəskin şəkildə tənqid edən “Azərbaycan saatı” internet televiziyasının aparıcısıdır. -1606D-