Bakı/22.05.19/Turan: Baş Prokurorluq yanında Korrupsiyaya Qarşı Mübarizə Baş İdarəsi 2015-2018-ci illərdə vergi orqanlarında aşkar edilmiş qanun pozuntusu faktlarını araşdırıb. Bu barədə Baş Prokurorluq və Vergilər Nazirliyinin mətbuat xidmətlərinin birgə məlumatında bildirilir.
Hüquq-mühafizə orqanlarında Vergilər Nazirliyi Ərazi Departamentinin baş dövlət vergi müfəttişi Mahir Əbdürrəhmanov tərəfindən qanunsuz əməllərə yol verilməsi barədə şübhələr yaranıb.
O, Xızı və Siyəzən rayonları maliyyə şöbələrindən daxil olan vergi yığımlarının və dövlət rüsumlarının 511 min manat azaldılmasında, həmin vəsaiti ayrı-ayrı vergiödəyicilərinin şəxsi hesablarına sənədləşdirilməkdə və həmin pulları nağd götürərək mənimsəməkdə şübhəli bilinib.
Fakt üzrə CM-in 179.4 (külli miqdarda mənimsəmə ziyan vurmaqla) və 308.2 (vəzifəli şəxslər tərəfindən sui-istifadə) maddələri ilə cinayət işi qaldırılıb.
Həmçinin Vergilər Nazirliyinin müxtəlif Ərazi departamentlərinin digər əməkdaşları Eldəniz Əzizov, Valeh Qasımov, Elnur Məsimov, Ziya Paşayevə qarşı cinayət işləri başlayıb.
4 əməkdaş vergi xidmətindən xaric edilib, digər 4 nəfər müvəqqəti olaraq vəzifədən kənarlaşdırılıb.
İstintaq davam edir, günahkar şəxslərin əhatəsinin müəyyən edilərək məsuliyyətə cəlb edilməsi üçün tədbirlər həyata keçirilir.-06D--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz