![Vətəndaş cəmiyyəti fəalı 25 sutka həbs cəzası alıb](https://turan.az/resized/750/500/resize/media/2018/main/120500015290.jpg)
Vətəndaş cəmiyyəti fəalı 25 sutka həbs cəzası alıb
Bakı/05.12/Turan: Azərbaycan Demokratiya və Rifah Hərəkatı (ADR) İdarə Heyətinin üzvü Hüseyn Məlikə 25 sutkalıq həbs cəzası verilib. Bu barədə Hərəkat rəhbərliyinə məlumatlı mənbələrdən bəlli olub.
Hərəkatın bəyanatında deyilir ki, bu gecə onun yaşadığı evə mülki geyimli şəxslər gələrək evin qapısını sındırıblar və onu zorla maşına mindirərək naməlum istiqamətə aparıblar.
Hərəkat rəhbərliyi güman edir ki, fəal Binəqədi təcridxanasında saxlanılır, ancaq onun taleyi ilə bağlı rəsmi məlumat ala bilmir.
Həbsin səbəblərinə gəlincə, çox güman ki, bu, H.Məlikin sosial şəbəkələrdə və ictimai həyatda siyasi fəallığı ilə bağlıdır.
"Baş verənlər hakimiyyət tərəfindən insan oğurluğu və fərdi azadlıqların pozulmasıdır", - Hərəkatın bəyanatında deyilir.
Həbsdən sonra H.Məlikin Facebook səhifəsində 29 may 2016-cı il tarixinə qədərki statusları silinib. "Bu sübut edir ki, məhkəmədə ona qarşı irəli sürülən ittiham formal xarakter daşıyır. Onun təqib olunmasının əsl səbəbi ictimai-siyasi fəaliyyəti ilə bağlıdır", - bəyanatda qeyd olunur.
Hərəkat hakimiyyətin son dövrlər siyasi fəallara, açıq fikirli insanlara qarşı apardığı repressiv siyasəti pisləyir və Hüseyn Məlik də daxil olmaqla, bütün siyasi məhbusların tezliklə azad olunmasını tələb edir.
Hər zaman olduğu kimi, bu dəfə də DİN baş verənlərdən xəbərsizdir və gecə vaxtı vətəndaşın qapısını sındırıb onu kimin və niyə həbs etdiyini bilmir.-16D-
-
- İqtisadiyyat
- 5 Dekabr 2018 15:40
-
- Maliyyə
- 5 Dekabr 2018 16:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz