Hüquq müdafiəçisi Novella Cəfəroğlu Nərmin Quliyevanın işi üzrə dinləmələrdə çıxış edir
Vətəndaş cəmiyyəti nümayəndələri Nərmin Quliyevanın qətli ilə bağlı prezidentə müraciət etməyə hazırlaşır
Bakı/21.06.23/Turan: Çərşənbə günü vətəndaş cəmiyyəti nümayəndələri 10 yaşlı Nərmin Quliyevanın qətlində təqsirləndirilən İlkin Süleymanovun işi üzrə dinləmələr keçirib.
Bu səs-küylü işin əvvəlindən ictimaiyyət, o cümlədən mətbuat Süleymanovun qızın qətlində iştirakını şübhə altına alırdı.
İstintaq, sonra isə məhkəmə prosesi kobud qanun pozuntuları və ziddiyyətlərlə yadda qaldı ki, bu da Süleymanovun təqsiri ilə bağlı şübhələri artırdı.
Bu gün keçirilən prosesdə müdafiə tərəfinin E.Süleymanovun cinayət işinin uydurma olduğunu göstərən sübutlardan ibarət arqumentləri dinlənilib.
Bundan başqa, müdafiə tərəfinin araşdırması zamanı E.Süleymanovun hansısa insan alveri şəbəkəsinin qurbanı olduğunu göstərən bir sıra faktlar aşkar edilib. Müdafiə tərəfi qızın tapılan meyitinin Nərmin Quliyevanın fizioloji göstəricilərinə uyğun gəlmədiyini göstərən arqumentlər gətirib. Bu, o deməkdir ki, Nərminin taleyi naməlum olaraq qalır. O haradadır və bu yanmış qız kimdir?
Dinləmələrdə cinayət işindəki uyğunsuzluqlarla bağlı xüsusi hesabat tərtib edilməsi qərara alınıb ki, vətəndaş cəmiyyətinin müraciəti ilə birlikdə üç il əvvəl bu səs-küylü işi şəxsi nəzarətinə götürən ölkə prezidentinə təqdim edilsin.
İyunun 5-də Gəncə Ağır Cinayətlər Məhkəməsində 2019-cu ilin noyabrında Nərmin Quliyevanı oğurlayıb qətlə yetirməkdə təqsirli bilinən İlkin Süleymanov 18 il müddətinə azadlıqdan məhrum edilib.
Vəkil Əlibaba Rzayev bu hökmü “qanunun məsxərəyə qoyulması” adlandırıb.
“İki ildən artıqdır ki, məhkəmə prosesi gedir. Amma işdə heç bir sübut yoxdur. Hətta əslində bu cinayəti kimin törətdiyi barədə də məlumatlar var. Ümid edirdik ki, belə açıq-aşkar ədalətsizlik olmaz, amma yanılırdıq. Müdafiə tərəfi ədalətin bərpası üçün sona qədər mübarizə aparacaq”, deyə o bildirib.
“Müdafilə xətti” QHT-sinin icraçı direktoru Rüfət Səfərovun sözlərinə görə, “məhkəmə heç bir sübut olmadan ittiham aktını yenidən hökmə çevirib”.
Süleymanov özü təqsirsiz olduğunu bəyan edib. O, 2019-cu ilin noyabrında Tovuz rayonunun Dondar Quşçu kəndində 10 yaşlı qızı qaçıraraq qətlə yetirməkdə ittiham olunub.
Nərmin Quliyeva yoxa çıxandan axtarışda olsa da, Süleymanov 2020-ci il yanvarın 6-da qızın yanmış meyitini aşkar etdikdən sonra onun barəsində iş başlanıb. Ona CM-nin 120.2.4 (xüsusi amansızlıqla və ya ümumi təhlükəli üsulla adam öldürmə), 120.2.9 (təqsirkar üçün aşkar surətdə köməksiz vəziyyətdə olan şəxsi qəsdən öldürmə), 133.2.1 (oğurlanmış şəxsə əziyyət vermə), 133.2.4 (yetkinlik yaşına çatmayan, köməksiz vəziyyətdə olan şəxsə zərər vurma), 144 (adam oğurluğu) maddələri ilə ittiham irəli sürülüb.
İclasda vəkillər və hüquq müdafiəçiləri istintaqın kobud qanun pozuntuları ilə aparıldığını, E.Süleymanovun etiraf üçün işgəncələrə məruz qaldığını qeyd ediblər. Bildirilib ki, Süleymanovun qohumları və həmkəndliləri istintaqın versiyası ilə razılaşmayıb, onun azadlığa buraxılması tələbi ilə aksiya keçiriblər.—0—
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz